【一位熟悉社會工作者工作建言】想讀社工真係要諗清諗楚 (Social Work Prospects) ......!

有諗過讀社工既你地，其實目的係為左咩? 
為左錢? 為左「幫人」? 

做社工係為左幫人真係萬能既理由，好多選擇讀社工既人諗唔到理由就會搵「可以幫人」做原因 
但實際上，其實好多工都可以幫人...點解要係社工? 
做社工既，基本上只要你係做開個一項服務，你就要無條件、無私心咁去幫人 
咩話? 新移民? 幫 
咩話? 藍絲帶? 幫 
因為原則上，一個社工係唔可以因為自己既立場而去選擇性咁幫人 
你又過唔過到自己良心? 
係，醫護都唔可以因為佢係咩人就唔救佢 
但明知道某一班人明明自己唔需要幫都要埋住自己良心去幫佢地...又幾咁難受呢? 

好啦，當你過到自己良心，你又頂唔頂到壓力? 
社工其實係好缺人。尤其係香港依個社會問題多多既地區... 
所以原則上社工只會係供不應求 
但係請唔請夠人又係另一個問題 
一個社工跟10幾萬個cases，你想有心幫人都變冇心 
如果你係太有心的話好易令自己burnout，最終人又冇心幫，自己都會低落埋 
係，人工係包埋，但人工又有幾多? 

曾幾何時，社工畢業生既平均薪金係好高。根據1996年港大畢業生薪酬數據 
社工同言語及聽覺科學並列第三高人工高既degree(僅次於醫科、牙科)，超過$20000一個月 
其實好多人都未必知道，政府比學位社工既人工係專業職系中算高($26,895 - $59,485)(未計升職) 
比起爭到死一死既EO仲要高 
但睇返2013年既數據，社工畢業生平均起薪只有唔夠$17,000 
冇錯，比起差不多20年前仲要低。當每個學位平均起薪都升好多既時候，只有社工...係低左 

人工包埋? 你都傻既 
自從一筆過撥款通過之後，NGO為左慳錢就唔再以學位社工職位請學位社工(助理社會工作主任) 
換黎既，只有以HD/ASSO都可以做到既社工職位(社會工作助理) 
但好諷刺既係，NGO係一筆過撥款通過後所賺到既錢係遠遠多過之前 
一班高層有錢去豪裝OFFICE，都唔會設立多d助理社會工作主任既職位 

係，政府都仲係有請助理社會工作主任，而且每年都總會請幾個freshgrad 
以前有心既社工係唔會想去政府做野，依家? 跪係度lum埋鞋底都要求政府請你 
仲要政府請人既準則係好奇怪，成績好就請? 錯...有經驗就請? 錯...好人就請? 大錯特錯 
隨時你個個唔過3既冇heart同學可以入到政府un un腳拎26000起薪 
而差d first hon又好有心幫人既你...可能係ngo做10年都未必有30000(相比下你個位同學做10年的話已經有接近45000人工...) 

比著你係學位社工，你仲有冇心情做? 
有學位身份，做學位社工要做既野，拎ASSO社工既人工，掛住ASSO社工既職位名 
比著你係NGO請人個個，你會唔會請學位社工? 
有一班乖乖聽話既ASSO社工，佢地唔會咁易流失，唔會要求咁高人工，你會唔會請?

基本上，社工應該算係唯一一個職業 
係學位同ASSO前景差不多一樣既職業 
今時今日仲諗住去大學讀社工...係唔係傻左? 
唔好唔記得仲有一班MASTER社工 (好搞笑既係，MASTER既社工畢業生人數係多過DEGREE) 
你仲讀DEGREE社工...係唔係傻左? 


有心幫人，哈 
都係個句，每個職業唔多唔少都係幫到人 
社工冇錯，可以係好多層面上都幫到人，但往往並唔係最直接個個 
係社會眼中，社工就只係識得報警...識得阻住人地做愛...只係識得幫新移民 
係職業角度，社工做既野係完全冇錯 
但係，好多時所謂幫到人，其實另一面可能係害緊其他人... 


基本上，只要一日唔改制度，社工依個職業都永遠唔可以翻身，質素一樣參差 
要讀ASSO/HD社工我好明白亦覺得冇咩問題 
但讀degree? 千其唔好，你係有心既大可以讀其他degree再讀master社工 
千其唔好讀社工...唔好見分數收得低就去讀...老實講讀n展可能更好 
真係咁有熱誠?



資料引自 : 香港高登討論區玉海尋