【創業達人加油】放棄大學學位 孤身2次創業 現時第3次創業中 (startup in hong kong) ......!

講小小背景
小弟屋村出身 90後 由中三開始半工讀 到中七後 分數很差
幾經轉接 終於考入大學 最後因為金錢問題放棄大學學位 踏上創業之路

Y2放棄大學學位後經一位朋友介紹進入一間上市公司做Marketing
獲得好多市場推廣知識 同埋 CS經驗
進入主題

第1間創立公司 , 受重傷的一次
早在創立這家公司前我個人有網店經驗(Yahoo shop 成績大約有二百多個好評)
經過同2位朋友詳談後決定一齊開一間office furniture公司
點解會簡開辦公室傢俱公司呢?
因為小弟之前做marketing既公司其實係地產公司
當時好多新既辦公室不斷落成 而小弟咁岩捉住呢個商機創立公司

公司成立初期其實有幾個缺點
1.資金不足
2.人力不足
3.太過相信朋友
​
初期公司地點在觀塘租用一個工廈小單位
大約有二十樣辦公室傢俱 賣點 價格便宜(同型號對比其他公司平30-40%),包安裝,3日內送到
初期小弟成立yahoo shop,設計傳單,派傳單,efax 作宣傳
當時小弟設計完傳單,去eprint拎(大約數千張,為左省錢人手搬到辛水辛汗,再落觀塘office每間咁派)
以上所講既野 係由小弟一手包辦
起初只有附近散客 營運頭1個星期 大約有4個客人 收入岩岩好夠比租金
問題開始出現啦 因為當時我仍有正職在身,只係有客先會返公司
另外2位partner (A君,B君)
A君有正職在身 有提供資金 叫做有返過黎同客傾生意,B職正職在身 1次都未正式參與公司生意 不斷提出新意見(但天荒夜談,自己敶會落手做, 1蚊都冇為公司付出過)
咁A君呃我會辭正職為我地創業公司投入更多時間
B君我已經無理佢
公司由3人改為2人經營

所謂你付出幾多努力上天會見到
我地同另一間辦公室傢俱公司傾成一個協議,我地向佢地公司拎貨(部分我地無既貨) 佢地提供樣辦同批發價比我地
我地藉此多左樣辦,佢地公司亦多左生意

相繼 有一家在香港做傢俱批發既公司聯絡我地
(在此提一提,我地既貨源一直由大陸廠商提供,雖然價錢平,但運費貴)
佢望到我設計yahoo shop,facebook page 認為我地有潛力,希望同我地合作
佢地提供左更多貨辦比我地,同時為我地節省好多時間同運費
因為該批發公司會幫我地做埋運送 我地只要上去收尾數&比收據簽收就可以賺到$$

但好景不常
....
直到有一單生意出黎 我知道我對呢間公司係時候要止血放棄
當時有一宗生意 係一間幾大既公司 要訂大約1萬蚊既貨
通常只有6-7百蚊一宗 或者1千餘一宗既生意 對我地黎講係大單
咁張單由我接返黎,係大陸運左批貨去葵興,然後再call van送去人地公司
原本我同B君去拎貨同送貨 結果B君話突然有事
最後我一個人做晒
此外,B君話想拎咁D錢先 因為無生活費 如是者 拎D又拎D拎D又拎D
公司既錢就大家瓜分晒

慶幸 當時以有限公司成立 將成間公司結業 業主,供應商都無再追究 但可以話無晒信譽
我亦都損失不少

待續...


經常上次教訓後
我得出左以下結論
幾好既朋友 都唔好談商業合作, 有錢既出現總會有爭執 最後朋友都無得做
必需有足夠資金持續支持你既計劃
再好既idea只幫助開頭 要不斷創新同堅持

今次係講"重整" 會較多廢話 抱歉
當第1次失敗後
我用1年時間重整旗鼓,我始終要生活
最後去左打工 同時增強自身技能
我當時決定 下一次創業 我要一個人都可以獨自起步既生意
然後慢慢擴大,再招聘人手

1年後我有小許資金,但我決定 出國
最後我去左澳洲
係澳洲頭4個月 大家都知 農場農場農場
慶幸既係小弟算順風 儲左不少資金(係大家眼中應該都係小數目)
然後有機緣巧合下 我完左農場取得二簽後
去左一家日手機店工作

日復日月復月 我工作左8個月
每星期只休一日 有時間就會研究點更多野,點可以賺更多錢
終於我去左總店(當時有4間分店) 同老闆工作
然後我為老闆閒聊時有講我以前香港既工作同創業經驗
佢認為我總有一日會成功,同埋同我講你有計劃既 可以比我睇下
如果大家都岩既可以合作 (我當時信到十足,但後來我覺得係對佢有利,付出又少佢會先制)
後補:中國老闆黎....大家知咩事啦

直到有一日
我有一個計劃 公司係做手機維修同賣配件,手機殼,保護貼之類...
我建議老闆入一D中國手機(小米) 原因 價錢平 性能好
澳洲人要求唔高 但轉手賣出去既價錢幾可觀
計劃實行初期 只我入左5部機返黎
但由於我無任何支援 最後2個月先賣清
老闆最後係大陸入二手iPhone黎澳洲
然後我既貨就靠自己賣(只有我做既分店,我主動去sell客)
賣成要分部份佣比老細 而佢就主力賣自己入返黎既二手iPhone
感覺上佢係幫左我咁 但其實佢只係需要我既idea點幫舖頭賺錢 然後自己賺晒

跟住我就有好長時間無提供新idea比佢

直到有一日....
第2次創業

經過一年多既重整 終於再次有實力去第2次創業
創業動機:我發覺外國係有人自己買零件整手機,但香港反而好少人自己整
通常都係拎返原廠或者落先達比人呃
而且香機食水好深 例如一件零件成本20蚊 幫人整係收400蚊
然後今次成立既店舖係...手機維修零件網店(會有圖同片教人點樣整)
其實呢類裝網站係外國有唔少 但香港有好多人一見英文網就唔會想睇
所以我係大陸廠商同寄貨落香港
然後經我既網店寄去比香港唔同既客人
網店(Yahoo shop落單,facebook fans page有圖文教學同宣傳,youtube有我自己拍既廣東話教學片段教整手機)

咁D貨到底寄去邊呢?
第1次提到我有2個partner A君同B君
我第1次衰左後無再搵A君 但同B君始終十多年朋友仲有聯絡
我係將D貨寄比B君 再用速遞幫我寄比客
而網店既錢都係用B君戶口幫我交收,因為我離開香港時
無申請網上銀行 而且我銀行卡都唔係澳洲

我當時網店以免運費,保證教識你維修,除左youtube片,假如客人有需要 可以用視像通話即時同步示範維修
生意起初都好淡 但做左一個月後 facebook fans page like有5百多個
因為我相信好多人就算唔買我既零件都會睇我既教學點整手機
後來有日B君Cap水失蹤 原因係 原來佢一直差落好多卡數 佢一直分期比
點知有日爆煲 無力還錢...最後問屋企人借左十幾萬解決
而我既所有野都無曬

再一次失敗 原因係 雖然唔同朋友合伙 但身在異地 要朋友幫你去經營
實在太傻 太天真

幸好既係 今次損失唔算好大

但不幸既事接喱而來....因為屋企人既關係 我將我一直辛苦儲返黎既錢獻出
直到現在我即使月入2萬餘(希望大家唔好笑我咁低人工)
我依然要將7成收入寄返香港比屋企
其餘既錢除左生活費同房租 所淨無幾...

下回會講我第3次創業

經過無數次既失敗同小成功後
黎到第3次創業 亦係現時既業務
動機:上次創業方向無錯係可以賺到 只係地點成左上次失敗既原因之一
所以今次依會搞手機零件 但會改改方法同包裝
希望做出專業既形像

今次由小弟親手寫左一個網頁(英文網,主要做澳洲人生意)
網頁主要有online store ,IOS news,下載區(IOS實用軟件)....未來希望搞埋JB,解鎖等等...
Facebook fans page為網頁增加流量既一個分支點
wechat,line 做澳洲華人背包客生意

未來打算增加多種渠道ebay , amazon等拍賣網站
另外當網站資訊同流量越黎越大 可以做埋廣告

而小店暫時賣Apple 手機屏幕,電池,防水手機殼
主要是便宜,高質,包速遞,另外提供資訊比apple迷
貨源由小弟現時工作既老闆用批發價賣比我
當有客人落單 小弟向老細入貨寄出

但唯一問題黎 由於小弟無實體店 只可以做網上宣傳
加上澳洲地大 我不可能親身去派傳單
所以需要寄傳單/google ads/facebook promote
而小弟現時最大問題係宣傳費 所以一直只用免費方式做宣傳

唔知會唔會有朋友做類似既國係外國
可以比下意見
又或如何集資?

假設有10萬港幣
小弟會用係以下用途
其中3萬HKD 放落google ads 買關鍵字
1萬HKD放落ebay amazon
1萬HKD係比post office 派傳單 派melbourne CBD/Sydney CBD
5萬作網站經費及未來半年產品增加存貨資金

​資料引自 : 討論區