東方日報 2014年12月14日 請假陪愛女 許sir笑番晒 (連結) :
佔領行動期間，因為幾乎日日出來見傳媒而聲名大噪嘅警察公共關係科總警司許鎮德（許Sir），尋日又再出鏡講清場後嘅各區情況。唔知大家有冇留意到，許Sir笑容多咗，原因固然同聽日會清埋銅鑼灣佔領區後，一眾警察終於可以鬆一口氣有關，但查實許Sir前日請咗半日假，陪返港過聖誕嘅愛女，先至係重點。
佔領行動期間，因為幾乎日日出來見傳媒而聲名大噪嘅警察公共關係科總警司許鎮德（許Sir），尋日又再出鏡講清場後嘅各區情況。唔知大家有冇留意到，許Sir笑容多咗，原因固然同聽日會清埋銅鑼灣佔領區後，一眾警察終於可以鬆一口氣有關，但查實許Sir前日請咗半日假，陪返港過聖誕嘅愛女，先至係重點。
話說許Sir嘅十六歲愛女九月負笈英國讀書，許Sir一早應承陪佢開學，原本計劃九月請兩個禮拜大假，點知佔領行動啟動後，社會形勢緊張，全港警察都取消放假，許Sir未能同愛女同行。結果送機嗰日，阿女喊到收唔到聲，許Sir不知幾心酸。眨吓眼，許Sir愛女前日返港過聖誕，佔領行動亦到咗尾聲，於是許Sir請咗半日假去接機，唔怪得尋日許Sir笑番喇！都話「女兒係爸爸前世嘅情人」，真係冇講錯。
