【另類聘位】社會福利署 綜援這份工 申請攻略 (Comprehensive Social Security Assistance Scheme, CSSA) ....!

新一份財政預算案推出多項紓困措施，其中一項向領取綜援人士發放額外兩個月津貼，俗稱「三糧」的措施，推出後備受爭議。網民 [一日之計在於晨] 在facebook上傳一張《綜援攻略》的圖片，並列出6個要點，教大家如何申請"綜援"這一份工，當中不乏精彩之處，有興趣的朋友真係要好好煙酒煙酒 (研究研究)，詳文如下 :

財爺今日公佈又用我哋啲血汗稅增加民望實在叫人氣結，見三糧福利咁好，下晝真係有衝動想辭咗份工咬綜援提早退休。唔知你同我係咪都高人所見略同？我做咗少少research，有份攻略做得幾全面，同大家分享吓，希望幫到大家！

拎綜援 STEP 1《斷六親》

由於申請係以家庭做申請單位，要領綜援首先要斷六親。 仲諗？想要好生活就立即同老豆老母家姐細路斷絕關係啦！斷絕關係都有少少程序要做，例如簽份老母不供讓自己嘅証明，社署問起就話老母唔養自己先搬出去住，但記住要搵間1500蚊租嘅棺材房住，唔好過咗綜援租金津貼上限，到時申請到綜援都冇錢交租，得不嘗失。

有人問，點解唔成家一齊申請？因為要全家上下同意好麻煩，梗有啲傲骨柒頭阻住進度。亦都所謂多隻香爐多隻鬼，越多人申請，社署俾你嘅標準金額就會遞降，分薄晒冇著數！聰明嘅你依家一定諗到，如果老豆老母家姐細路每個人都同每個人斷絕關係，例如老豆老母離婚，細路唔認家姐，家姐又同老豆老母斷絕關係，然後每個人走去申請綜緩的話，加起嚟份糧有幾多唔使我幫你計喇掛？ 所以話戰略係幾咁重要！

拎綜援 STEP 2 《辭職》

眾所鳩知，綜援係有入息審查，申請前請先辭左份工先。想提早退休就切勿留戀原地，大家可以咁諗，都就快不勞而獲咯，仲返工嚟做乜？唔通真係為啖氣？遞信啦仲諗！如果可以叫上司寫埋「因智力問題不能完成工作」更佳！點解之後再講。

拎綜援 STEP 3 《洗底》

唔好忘記仲有資產審查！記住申請前洗晒戶口啲錢。仲有股票、外幣、黃金、全部都計落資產，一嘢兌現出嚟洗晒佢先好遞表！賺錢就話難啫，洗錢唔使我教掛？記住唔好懶醒過俾屋企人或朋友，因為任何「轉贈」 三年內社署都會追到，唔好因小失大。有物業嘅話都放棄啦，所謂長痛不如短痛，想提早unun腳定繼續做樓奴？醒吓啦愚昧嘅香港人！

拎綜援 STEP 4 《準備家訪》

去社署申請完，之後佢應該會做家訪，查你家宅、戶口咁，記得收埋晒啲PS4、高達同牛油，電腦最好問到人借部 Pentium3。做到以上三個關鍵重點，基本上已經夠做！想再穩陣啲，可以學返兩句蝗語，信我，將牛肉講成牛油，你嘅目標已經十拿九穩。(咁當然冇大陸新移民嘅酎情優先權咁一線啦)


拎綜援 STEP 5 《申請後福利》

恭喜你！申請獲批後，每月大概會有 $2070 標準金，以後衣食行手機上網水電煤就係靠依二千蚊架喇！不過對食營多補身嘅高登仔嚟講，可謂毫冇難度！再生幾個小朋友就連租金、水費、排汙費都有特別津貼！再將啲小朋友拎俾親戚湊就淨賺冇難度！邊個話生仔要300萬？
住屋方面有租金津貼，唔好租過千五蚊上限就OK。冇錯，千五蚊根本租唔到樓，所以你必須住兩日天橋底，再同社署反映自己瞓街，加上無依無靠，上公屋機會就會大增。

醫療方面，只要有綜援紙，就咁行入公立醫院一蚊都唔使俾，唔少領綜援嘅朋友仲會將醫生開嘅藥賣返俾藥房，無本生利。每日一劑賣夠一個月已經夠你換 iPhone6 plus！仲嫌唔夠？可以考慮打披手手腳腳，殘疾程度達50%嘅朋友可以每月獲得$1,920回贈、達100%再多五舊、需要經常護理更可獲高達 $3,515津貼！

拎綜援 STEP 6 《申請後被搵工》

雖然生活無憂，但社署都唔係咩善男信女，規定健全嘅後生仔要搵工，社署會迫你參加啲培訓乜乜乜同埋實習工作，要你訂下搵工計劃定期出去搵工，仲會聯絡返見你個條友問返你嘅面試表現。依個時候，你之前封離職推薦信就有用！一句「因智力問題不能完成工作」隨時令社署加碼，俾錢你睇心理醫生，識返個陳慧琳都咪話唔爽！不過你真係咁唔好彩搵到工，社署會扣番你份糧，一念天堂一念地獄，點做自己諗。
順帶一提，綜援係有離港限制，一年唔可以離港超過56日，一年去五次歐洲或者有少少唔夠皮，咪當留港消費樂趣多囉！再講，對一般後生仔嚟講，有間房有部電腦已經生存到，其實唔難！仲有唔明，可以睇埋依個PDF (連結)，相信依54頁三幅屁難你唔到嘅：

各位加油，一齊做個香港公民，攞返自己應得嘅嘢！

********
閱後感 : 這篇可說是作者誠意之作，講解清晰，步驟詳細，可讀性強。然而，引起本站注意的卻是作者的轉數，由財政預算案得到啟示，進而進行資料搜集，綜合和分晰，進而擬定方針和路線圖，再一次讓本站看到了香港仔精神 (eg : 機智，聰明，舉一反三，轉數快等)，在這裡真的要謝謝財爺的另類啟發。