【空姐並非想像筍工】一位聲稱機艙服務員的經歷分享 (dream work for Flight Attendant) ....!

[香港討論區] 呢排又到左fresh grad搵工嘅時候，身邊有唔少女仔都問我有關interview同返工嘅經歷，我覺得普遍大家都覺得空姐呢份工好easy，但我都想喺度同返大家講，其實空姐唔係大家所想嘅咁fantasy。

空姐並唔係行行企企然後再環遊世界就ok ?
首先，機上嘅workload好多，講緊係你有時候要推二百磅嘅餐車，仲要不停踎低起身，周不時都會腰酸骨痛，就算你派完餐，食緊飯嘅時候，都要出去應乘客嘅call light，試過好幾次都係未食完飯就落機...

有人話做空姐係咪好易識到有錢仔，我可以答你，唔係 ! 而家已經唔係有錢人先搭到飛機嘅時代，搭飛機嘅好多時都係一般市民，由其是越黎越多內地人搭機。大家就知道係咪真係咁易識到做到闊太，不過我都聽過有人俾一個有錢人睇中，然後請左佢去private jet做空姐嘅，但咁嘅機會..真係好微囉。

至於你話空姐係咪都係靚女，我可以再次答你，唔係，好多時做空姐都係睇你態度啱唔啱，外貌唔係一個因素，不過我自己覺得都有部份人有微整嘅。

以上就係我做左空姐一段時間嘅分享，雖然係辛苦，但我都唔會後悔入左呢行，我講出黎，只係唔想大家對空姐呢個職業有太多錯誤諗法，而上面既都係我個人經歷同諗法 !