【政府工與私人工的比較】 薪酬丶晉升丶個人發展丶工作環境......!

互聯網圖片

瀏覽網站討論區 (連結)，發現有一篇文章提及文述主題，本網認為值得加以伸延分享，以供參考 :

control228 : 穩定性係一定的, 但其他野都好睇你係乜野職系。簡單講, 政府有薪級表, 一般五年至十年內的人工可以掌握得到; 私人機構, 五年後可能做左CEO, 亦有可能無得撈。

ckh31111 : 私人工有花紅或雙糧，但政府工從無呢樣嘢，呢個係遜色的地方。私人工一般好少話一年多過一次薪，但政府工通常每年都有兩次加薪，一次係增薪點(到頂薪就除外)，同埋一次係按通脹加(有機會減薪，但情況極少，去到減薪出面就大炒人)，政府工升職要睇年資，但私人工只要老細睇起你，一年升幾次都得，但一轉老細或變成「黑五類」被打壓同迫走。

101708858 : 私人工啱好叻的人,可以賺好多錢.但政府工適合我呢D平庸的二打六。

中年兒 : 私人工做到成隻狗。

lowbbsa : 不論薪酬丶晉升丶個人發展丶工作環境等方面, 一定私人工優勝!!!而家巿道好, 真係出面比較好, 尤其後生可以係出面駁下先!政府工睇下你做咩位? OFFICER或以上的位都算幾好, 但晉升及發展一定比出面無咁好, 有d fds個位都唔算太差, 但佢地d fds已經係佢地人工幾倍, 所以都唔想繼續做想出番去私人做!

根本英俊 : 當經濟不景時；你就會想搵份政府工價啦。

toybox1992 : 我上年見左份人工起薪只得12500至頂薪15500的政府工，現在就快驗身，等入職！講真本來有小小心大心細，做吾做，因為現職已做11年了，大假多又有花紅，人工方面比起現職小一半，現職返工時間最早都要13個鐘先收得工，公司又多皇親国戚，人事關係超複雜，講把囗就得，無論我點勤力努力都係比吾上D把囗勁但乜都吾做果D，自己年紀又開始大，所以認真考慮過，，都係做政府工識合我，有規有矩，準時收工放工，又可以做到60歲。

kelolo_27 : 樓主問下你自己係咪一個有料,有目標,有壯志雄心做得野,人際關系好又識擦下鞋,加埋有D運仔既人先?如果齊料就梗係出面博啦,有幾高爬幾高!! 不過我係各私人公司打滾左近18年,呢類人有幾多,大家自己知啦..出面境好就個個都唔諗正苦啦,但到環境差時又幾千人同你爭一個位咯. 再講香港黎緊有幾好呢? 會唔會好得過97前? 自己諗下啦。