[引用自森仔23] 是咁的,我做佐幾年sales,先知熱血係一種低能、低B
自問對幾間公司都忠心耿耿、充滿歸屬感,有時候著起件制服都覺得自豪,我努力去跑數,從來唔做偷呃拐騙的銷售行為,但我估唔到公司只不過當我係一個可有可無的棋子,連解僱我都刻意出少糧俾我,狗到啊:-( 我寫呢個故事,唔係要你地同情我,覺得我好慘,我只不過想奉勸各位想入行的巴打,請三思而後行,因為; 你唔矇,你就一定窮到窿!「矇即係誤導性遺留性質的銷售手法,可以解釋為「按住個良心銷售」。 由於文章有好多料爆,第一間公司係好多衰sales,第二間係管理層狗西 有興趣請留名 學歷唔高,又想搵份好工,做sales就一定係大眾首選,因為真係可以搵幾皮一個月,有人可以2-3萬一個,有人可以6-7萬一個月,見過有人一個月可以10萬收入,如今唔係講緊保險、地產、金融,而係好 日常生活中可以講係必須的東西,例如寬頻上網、手機上網、同手機,電訊界就係吸引大量人才投身做sales的溫床,正所謂「電訊sales就好似7-11,身邊附近總有一個。」不論屋村、私樓、村屋、商場,你行落街就會見到,呢班人不怕日曬雨淋,風吹雨打,每日企係度sell野,成為香港社會的一大特色,因為好見到開個易拉架棟兩支旗開一個壇,就可以開工,而佢地有個好勁的稱號,叫「街霸」 人讀唔到書可以有好多理由,大部份同屋企環境有關,例如老母吸毒老豆爛賭阿妹做私鐘等等呢類人間悲劇都好多,好話唔好聽,你叫愛因斯坦生長喺度都死緊喇,當然我就未至於咁慘不過都距離唔遠,我怨天不如怨自己喇,我自認柒頭又點話,我17歲已經出黎做野,做過廚房,做過waiter,做過跟車,做過倉務,做過洗車,有一人見到老友喺街度,咦,佢身光頸靚,清靚白淨,明明我同佢同齡,結果做到好似少年包青天咁,又黑又瘦又核突,睇落似40幾,泊埋佢度,似係佢老豆 當然,老友見到我都冇嫌棄我,笑笑口埋黎吹水,基本上我已經聽唔到佢講野,因為夏日炎炎,佢手上隻「勞」閃閃發光,仲要係地通邦,我咁大個仔第一次親眼見到,內心無比滾動 幾皮野?我幾個月做到死狗咁都買唔起,叫雞都冇錢,不如食自己 到我冷靜落黎,我問佢近排撈咩,言語上都係不離佢隻「勞」 佢話做sales,問我做唔做 我反問佢係咪走粉,假結婚定賣腎? 佢哈哈大笑,話我低能 我老友同我講,合法,正經野,有本事就可以輕鬆幾皮野,就算蠢過隻豬,肯努力,皮幾野走唔甩 咁聽完佢講,我自問都ok幽默,口才都唔錯,蒲得多高登,爛船都有三斤釘,9up水平都不得鳥,講勤力,我以前做車房一日洗幾架車添,我聽完我老友講,恨不得明天就返工,因為我唔想做「月月清」,唔想銀行saving經常係徘徊喺三位數字同四位數字之間,我想賺多少,我要俾更多家用俾屋企,我要孝順父母,我要供個妹讀書⋯ 於是我馬上辭去車房份工,憧憬緊自己都可以戴「勞」,可以搵到女朋友 原來,我老友做電訊,賣手機同上網plan,佢間公司係123,黃色logo個個 咁我就入佐去做,自己都對呢間公司有好印象,全港最穩定的手機網絡供應商,我真係好自豪咖 不過慢慢發覺,其實美夢同現實好唔同,我一心正正經經做好份工,估唔到公司當我隱形,同事爭相暗算我篤我背脊 我好肯定如果做過電訊sales,一定好撚明白「天時地利人和」呢個道理#adore# 天時唔多講,冇人預測到聽日打風定落雨,但「場」,就好決定一個sales當日的營業額,某D好場,例如西洋菜街,有身分證就有單開,白癡都會開到單,top sales咪開幾張或者十幾張,但某D垃圾場,話知你表演心口碎大石,都冇人理,on99企一日食白果,車費都蝕撚埋>><<1,好坦白講,人的能力有分高低,人的心理質素又有分高低,但長期叫你去垃圾場,乜撚野「the king of sales」都死,你估top sales真係葉問咩,一個打十個咩,所以場的好壞,好影響一個sales,有d人唔係做唔到野,係冇資源,唯有黯然離開。 何為「垃圾場?」,即例如叫你去老人屋村sell電話plan,但呢度好多係獨居老人,消費能力只可以應付到一張儲值卡,即50蚊用半年個D電話卡 我唔知新人入行係咪都要經歷呢種洗禮,就係咁,我從一張白紙,磨練到成為一個sales,每日去埋D垃圾場,盡情去同老人家講解,我個陣發覺自己唔似sales,而係似區議員,日日解答居民有關手機方面的問題 做佐一個月,開得個兩張單,發覺唔多對路,於是索性做網上打手,將電話plan post上網搵生意 即係咁,公司請我返黎,日日叫我去老人村,我為求自己下個月出糧「靚靚仔仔」,點都要搵多條路for銷售 電訊公司好興喺training課堂上「落迷藥」,即同新人講到公司有幾咁好,講到請我地返黎好似等收錢咁,唔撚知以為佢地請我去度蜜月添,仆佢個街D言語偽術多撚到啊,講到尾咪又知你死你事,冇數就對你鞭屍[sosad] 我記得我應徵係做sales,唔係網上打手,點解我要做上網?冇數lor,日日去老人村,跑撚咩,入廁所打幾轉飛機好過企喺度做區議員,係啊,今日又成功爭取幫個阿婆電話卡充值啊! 於是我忍唔住問老友阿文,點樣「返數?」 我:「救命啊大佬,日日罰企,技巧又學唔到,日日白果,底薪又少,點撈?你唔好同我講你隻撈喺老人村度轉賺返黎喔」 阿文:「傻仔,咪咁天真,以為對人好人地會對你好,做sales就係要狠,老人村你都可以開單,睇你做唔做狠呢個字,你唔使替個客著想,唔使替佢肉赤,幾百蚊一個月費送手機,尤其見到D道友古惑仔,記得做俾佢,之後叫佢簽約,部機唔使俾佢,或者換部cheap機俾佢就得,呢D人都預佐唔交錢,你咪幫佢做個雙贏plan。」 我:「咁D老人家咪好慘,冇啦啦交貴佐月費,都唔上網。」 阿文:「我地係sales,唔係社會福利專員,關我撚事咩,總之佢簽名,佢明白,我地就做佢,一個月幾百蚊姐,你話祈福黨呃佢幾十萬就話仆街啫。」 我:「係啫,不過⋯」 阿文:「做人唔好婆婆媽媽,一係做好人窮到死,一係做衰人賺到死 你自己選擇啦。」 我:「⋯」 同阿文一席話,勝讀十年書,不過我天生係衰on9,心軟加善良,要我咁做,我寧願辭職 但我入得黎123.我就想揚名立萬,我唔想咁就走,於是網上銷售成為我喺123的轉折點 D 濕x上司最鍾意用汽水機同sales做比喻,即如果公司個plan咁易賣,使x請sales咩,擺部自動登記機咪ok,佢滷味D上司真係狗x到,月頭對你笑騎騎,月中對你放毒蛇,冇數?x到你趴街,佢x味以為自己係黃子華,寸人寸得好開心,聽落似梁振英講廢話,真係頂唔順? 冇數?狠心咪有lor,捉D道友、傻佬埋黎登記,今個月咪又可以順利過渡,偏偏我過唔到自己個關,挨撚佐上個月,日日唔同地方,港島又有,將軍澳又有,唔遠唔叫我去,每一日我都咁勤力,出糧先知人工低過麥記員工。 冇數?上司冇人情味,咪最後通牒,下個月唔到數,麻煩執包袱! 於是我上網,點搞?uwnats 鄉土 親子王國 高登等等論壇都成為我每日奮鬥的地方,瘋狂註冊,瘋狂洗版,不停俾人ban不停又post,同版主打游擊戰,先可以勉強令人睇到我個廣告。 我唔知運氣話黎就黎,定自己真係叻仔,好多人whatsapp我問offer,我逐一耐性回答,之後約佢出黎簽約,講解講到口臭都繼續講,因為我希望每一個同我登記的客人,都清楚自己個合約內容、回贈、預繳等等 我發覺網上d客都幾欣賞我,覺得我老實,可靠,於是我越做越多單,第一次「到數」 出糧有2萬,嘩,第一次出咁多錢,喺工作期間,我忍唔住去廁所,喊佐出黎:~( 正當我雄心勃勃,希望以後個個月都再接再厲,估唔到,身邊同事竟然喺背後捅我一刀 以前我做野,通常係1萬鬆D,家用都俾8000,我唔係強調自己有幾孝順,只不過我唔煙唔酒冇拖拍唔叫雞唔出街唔玩online game,基本上我覺得有錢多,就俾屋企,希望老母可以星期六日放假,唔使ot,希望個妹食好住好讀書好,我自己知道自己賤命一條,天生天養,我冇為自己未來打算過,我唯一嗜好,就係食好少少,以前冇錢咪挨麵包,搵到少少就食好D,我所講食好D,唔係價錢上食貴D,而係多幾餐麥記、吉野家同唐記包點,我已經好滿足,平時我一個麵包頂半日,有時候唔食添,今次出佐2萬,我對one2fee產生感情,我覺得係皇恩浩蕩(我知我咁講好on9),但我覺得人對我好,我就會易充滿感激 即同事幫過我,我都心充感激,同佢地無所不談,包括我心底說話,我後來先知道,電訊界sales,真係冇咩好人。 你冇數,佢恥笑你點解唔去做保安 你有數,佢妒忌你點解可以爆曬數 明明我係安守本份的人,卻屢次俾人中傷我。例如話我有數唔識人喇,寸喇,9屎 我後來D場都好返少少,我落到場都讓人開單,我自己寧願打機都唔同人搶,因為我上網有數,我抱住大家開心的期望,希望人人有錢搵 結果呢?有人就去marketing 投訴我上網post offer,嚴重影響落場sales的生意 個陣我真係好嬲,點解要篤我?而且仲要俾我知道佢就係平時同我好friend的那個sales 即係咁,點解要咁對我?至此我對身邊同事開始有戒心,我發覺sales的世界係是非天堂,一個唔覺易就會俾人暗算 嗯,公司出佐warning letter俾我,咪再上網搵客 於是我唯有寄望落場勤力D 如果你入行做電訊sales,唔係門市個隻,係街霸,麻煩你一定要到數,因為到數同唔到數,每一張單的傭金都可以差幾條街,同埋在職同離職,份傭金都可能唔同 因為傭金計算方式,係難拆過南北韓問題,電訊公司永遠唔會清楚同你講,經常要你左問右問,糊裏糊塗,到你奶佐野,都敢怒不敢言!123就冇乜點陰我,反觀bccw就真係pk黎,呢個後尾會講,先講返123。 好喇,童話破滅,蜜月冇佐,唔可以上網做生意,唯有落場堅砌。 落場,總會擔心,有時候唔係個客有幾咁刁鑽,而係個同事有幾趴街,之前講過,有人為求到數,自己拎自己身分證登記不在話下,最鍾意搵道友登記或者D神智不清的人登記 舉個例子:one2free個期好興,現有客戶免預繳出機,即可唔使預繳唔使信用卡,重新簽約24個月,月費300-400不等 好喇,呢個漏洞最後都俾人發揚光大,好多sales就開始從中獲利 具體即係交單時明明係出iPhone,到個客人手上變成s4或者其他cheap 機,當然個客唔會投訴,因為個客唔會知道自己係出iPhone,而個sales就從中賺取差額獲利 又或者索性唔俾機,叫個客交400蚊一個月,5gb上網不過冇機。得幾張爛鬼coupon。 我本人好憎佢地做法,不過又唔想屌7佢地,唯有笑笑口扮唔知,經歷過上網銷售俾人篤背脊,我已經小生怕怕,點撚知隔離呢個係咪牛鬼蛇神 而此刻情況,就好似以前警局咁個個都貪污,你唔貪就俾人杯葛 做sales,絕大部份都咁做,我唔做,所以俾人冷嘲熱諷,暗地裏又唔知出咩招陷害我 慢慢地,我開始喺落場站穩腳,條數都唔算差,滿以為出糧好D 原來,唔到數,真係差好多,不過我冇灰心,自問我的人工吧,對得起我天地良心 成日覺得自己係一股清泉,咪四面受敵,食野背脊骨落,我做咁耐sales,得出結論 好仔莫做sales,做sales冇好仔! 就算滿腔熱血,就算正義凜然,都會俾人打謝,一係默默忍受,一係黯然離去,係啊,學歷低又想搵到錢,唔撈偏唔做苦力,就唯有一字曰:「忍」 獨善其身個代價就係 冇數 冇數 冇數!人地落場大開殺戒,阿婆阿公都唔放過,捉人埋黎優惠登記,我就踩死個螞蟻都會覺得殘忍,最後咪係白果一日,俾上司插到自尊跌落彌敦道上,任途人踐踏。 當我以為對個客好,做曬優惠俾佢,結果佢可以玩9我,放我飛機,搵我笨實 其實做sales,唔夠pk,真係慘過食屎,要pk就好似之前所講,拎佢身分證就登記喇,理得佢死咩挨貴月費 我走投無路,於是偷雞上網做生意,但我對人百般忍讓,就遭受更大羞辱,所以我難忘sales之間的勾心鬥 係幾咁恐怖 上司從來唔會體諒下屬,一味吹到自己聽日就要跳樓咁,叫我地交數,我反觀自己的資源已經少,人地落好場又係跑咁多數,我落廢場又係跑咁多數 公平咩?人地舒舒服服,呢D咪人和lor,我?算吧喇,所以我明白,做sales,人際關係遠遠大過實力,實力有鬼用咩,日日叫你去老人村你都死喇。 我曾經有一刻衝動想去ICAC舉報佢地係咪有利益輸送,點解同一個target佢資源咁多我資源咁多 後尾發覺,舉報冇用,因為一雞死一雞鳴,個文化傳統係咁,識人,就等於到術 好坦白講,大家會覺得做sales係一種下賤的職業,係一班不學無術的人先會做,不過現在已經改變好多人舊有的睇法,因為做sales搵既人工介乎皮幾野至幾皮野之間,仲多過好多專業人士或者高學歷人士,嗯,係既,你睇人就無比風光,你睇唔到佢背後有幾多陰質野,與其話係公司出糧俾佢,不如話係某D傻甘甘的客人出糧俾佢,有的客真係糊裏糊塗交錢,而佢係根本冇需要用個個服務同個張電話卡,呢類人之所以會俾人「利用」,係因為sales出蠱惑,例如偷龍轉鳳,出部iphone5,換部小米俾個客,個sales咪賺到笑,唔係個別例子,而係好多呢種case,某程度上,個客貪心少少,就會上當,嘩唔使信用卡就可以出機,仲唔狗衝咩#[sosad] 眼見身邊sales又開單又賺錢,我終於明白佢地手上戴的「勞」,原來係來自客人,取至客人。 我唔係聖人,不食人間煙火,但我就係落唔到手,有時候明明個客衝落我度,我都叫佢去門市做,我認我蠢,但我唔會個心唔安樂,我的人工對得起我良心,我甚至會私下送超市禮卷俾個客人。 認識我的客都知我係好人,因為我對每一份合約都好認真講解,務求個客清楚,先叫佢簽約,例如某些iphone plan,個客唔要機,我幫手放,報埋出面個價錢俾佢,有差額一定回水,所以野清清楚楚,我試過同一個客講解兩個小時先簽約,總之唔清楚我繼續講。 因為我好討厭投訴,正常其他sales花十五分鐘就講解完,我會講半小時以上,因為我好驚個客唔清楚,我何必為佐一張單去對唔住個客呢? 我對個客好,其實好少客人會搵返我再推介朋友搵我簽約,不過我明白,互相幫助,佢賺個平月費,我賺份傭金,雙贏。 個客凌晨whatsapp我,我會耐性覆,個客住西貢,我新界山長水遠去搵佢簽約,個客問我野我認真回答,簽約後我依然認真follow,我真心當個客係朋友。 但我所賺的錢,遠遠不及其他sales,我做兩年的人工總和,可能不及某人半年的收入總和。 人工已經同付出不成正比,同事的是非令我困擾,上司又經常不公平對待我,令我飽受困擾 點解我咁認真去做好呢份工,得到的卻是淚水? 正如之前所講,如果同上司friend底,真係著數多多。 例如編場,某人可以經常去大場,例如沙田廣場、南豐中心等等,呢D地方睇個名都知人又多,客人消費慾望大,頂,有身分證就可以開單,舒服到呢,反觀我呢D邊緣人,一個月都冇幾次,通常去老人村同天水圍,啊,係啊有時會去道友天堂例如咩石籬商場等等,有時候會去小偷天堂元洲商場等等,莫講開單,人身財物都受到別人的虎視眈眈,擔驚受怕又唔可以走,一個唔覺意就俾人偷佐手機。 又或者手機貨源同贈品,某人開單現貨即有,贈品多到去超市買野咁,我開單,現貨要等,贈品冇,仲要我求契弟咁求佢儘快俾貨我,有時候個客好現實,冇現貨就走,我就係咁,似乎甩佐個客,單開唔到,如果做過sales一定明白現貨同贈品的重要性。 又例如交單,某人可以唔使返公司交單,因為個上司去搵佢收,咁我呢?下下收工都趕住返公司,疲於奔命,一手搞掂,例如我今天係將軍澳,收工已經腳軟,仲要飛返荔枝角交,因為個客人趕住明天生效,我真係試過有一年12月31號夜晚,好多人都出去倒數,我就坐喺辦公室執單倒數,搭正12年又係新一年 最開心係收到客人的新年快樂,因為真係好溫暖,我係公司孤軍作戰,都唔知撐到幾時,老友阿文已經轉做保險,我得返一個人,孤立無援。 做sales最盼望九月十月,出iPhone,梗係爆數喇,咁公司就肯定唔想我地咁舒服跑數喇,於是就叫一大部分人去門市幫手,人工係300蚊一日,忙到仆街 >><<1,真係pk,出iphone就點9我去門市做小丑,面對門外洶湧群情,少D心血都死,明明請我做sales,又冇資源,仲要叫我去做苦工⋯ 每一次take a break走入廁所,內心都無比激動,真係喺個心入面鬧出黎 做sales,如果唔係全區頭幾名,做sales真係任人魚肉,阿頭叫你去邊個門市幫手你就要去,我回憶起當日去門市幫手,真係辛苦過做地盤,明明當初簽約就冇話做門市,講起簽約,我地都唔係直屬公司,而係外判公司請我地,我估大家都明白點解。 但我明明住新界,佢叫我去港島門市幫手,返10點收10點,我每日搭車又來回兩小時,個一個月真係慘過俾魯芬BB強姦[sosad] 勁難挨:~( 其實sales每一個都好緊要,因為唔單只打好今個月數,要兼顧未來幾個月數,俗稱「打定先」,咁公司叫我門市,人工低不在話下,某程度要我犧牲幾個月數,待我離開門市,所有野重新黎過,真係求神拜佛保佑冇病冇痛,否則個半年都搵唔到錢。 眼見有sales喺出面開單開到手軟,真係一個月鋪定半年的路,幾撚舒服,幾撚瀟灑 我呢?喺門市招呼班暴民,係香港人都算,話曬自己人,招呼D冇禮貌的內地人,真係谷9氣,個撚個冇身分證又問有現貨未,答完一個又一個,有人投訴,有人問野,招呼得邊個?真係打仗咁,入面D同事仲忙,碌卡試機左右手不停,我就負責係門口疏導大家,費事有人湧入,壓力好大,因為呢班人你唔可以得罪,忍唔住爆句粗口我都玩撚完,但面前呢班人真係野獸咁,恨不得食佐我,然後搶iphone去賣。 我承認我係懦夫,我已經冇佐街霸的傲氣,但我要忍,過埋今個月我就放監,重獲自由。 做地盤都一日1000喇,辛苦係值得,我企門市,一日300,真係連廁所都唔敢去,高峰期午餐都冇得去 我自己又走唔開,唔可以去炒iPhone,簡單黎講,叫我去門市幫手,累我唔見幾多野,你地知唔知先? 忙到打飛機都冇時間,難得放假一day一日訓到黑,晚餐食少少,又繼續訓,因為明天又要上戰場。 俾人叫去門市幫手,冇得say no,一係交證辭職,我抱住香港人的精神,頂硬上喇,面對門市前好似暴動的市民,我盡量保持冷靜,但有時候遇到鬼佬客人,我真係想現實投降,根本冇一句係可以完全聽得明,通常係從佢一句中挑選一個聽得明的詞語,而判斷佢個句講乜,大佬啊我識英文就唔會企喺度受罪喇,就係讀唔到書先搞成咁,撞埋黎一個鬼佬,我唔識其實我唔care,我最care隔離好多客人好似恥笑緊我英文水皮,當然,個鬼佬都識做,知道我英文係有限公司,所以好快會走,唔似得班內地人,明知冇貨,要預訂,都繼續追問幾時有!屌,我唔係喬布斯啊,喬布斯都升佐天喇,屌! 個一個月,具體每一日發生乜事我都歷歷在目,對於我黎講,簡直係噩夢 我有考慮過去勞工處投訴,不過都最後一刻都決定收手,舉報D大公司大集團,我只可以係成為炮灰,算喇,留得青山在,哪怕冇單開,挨埋呢一個月,我又係一條好漢。 就係咁,9000蚊一個月,我好似俾人賣豬仔咁,心不甘,命不抵,而喺重獲自由的那個晚上,我忍唔住感動落淚 望住櫃員機的四位數字,我明白,又要俾心機跑數! 點跑?場又係一如既往的差,現貨iphone係一如既往冇我份,我乜春都冇,咪又係落場頂硬上,個陣一部iPhone 5 16gb仲有7000左右蚊一部,邊個有現貨,走一轉去先達,快活過神仙,我自己都去門市開佐兩個plan,執少少幫補下,如果唔係,真係窮到唏噓。 好人好姐,人做sales做到穿金戴銀,我做sales做到要挨麵包,真係失敗,睇返隔離sales個個好似餓鬼投胎咁,如狼似虎地去捉客埋黎傾計 講現場技巧,我就輸曬,唔狠狠地做個客世界,註定我就輸,好在我係網上都有人支持,搵喔登記,我先叫勉強維持到生計,我真心多謝每一個搵我登記的客 可惜,有同事眼見我唔喺場都返到數,又篤我背脊,搞到網上生意又收到影響 真係,令我大受打擊! 做得sales,真係要提防身邊D sales,單單打打都算,背後捅你一刀,真係痛到入心入肺:~( 之前俾一個幾friend的sales出賣,如今又俾人篤背脊,我係度反思,到底我做佐乜野搞到人地要針對我?我落場都唔同人爭生意,盡量將客人拱手相讓俾人,我寧願賺少D,都希望大家開心D,我喺從來冇傷害別人利益情況下做生意#ng# 後尾我先知,有D同事真係變態,佢可以唔抵得我有數就篤我背脊,完全唔念及我對佢地百般忍讓,佢地叫我幫手,例如買野飲或者等等,我邊一次唔係笑笑口答應,我都係想大家和諧共處,點解要咁蝦我?佢地大部份都30歲,恰我一個90後[sosad] 不過我在此都多謝佢地,為我上佐寶貴的一堂,至少我下次俾人出賣都可以有少少免疫力。 我喺one2free做佐兩年,見證無數風浪,除左連續兩年落門市做苦力,仲會叫我去call centre打call,真係俾d管理層玩死,到底請我返黎,有冇當過我係sales[sosad] 冇場俾我落,竟然叫我去打call,佢老母全部call list係舊客續約,我只係負責打電話,問個客會否開新plan,如今舊客續約要轉介俾其他call centre同事 即>><<1,又叫我黎做義工[sosad] [sosad] [sosad] [bouncer] [banghead] [banghead] [banghead] 一年有幾個月都好似黎M咁跑唔到數,最離譜有一次個上司叫我日日喺屋企上網搵客,場都冇得落,足足兩個月[sosad] 當我依然冇辭職,我堅信我下一個兩萬,距離我好近了 復出後落場我積極,再偷雞上網搵客,竟然俾我創出彩虹#yup# #yup# #yup# 我有一個月月入2萬8#hoho# #hoho# #hoho# 年半的抑鬱一掃而空 我都覺得自己係打不死的小強,絕處逢生,好日子維持佐四個月 估唔到,竟然係我喺one2free的最後四個月⋯ 話說我上高登搵客,不嬲用儲值卡號碼,避開公司的搜查,但有一次,無啦啦俾人放蛇,約我出黎錄音我,偷影我 斷正!公司要炒我:~( 我記得我同上司個上司傾完計 佢問我,sales係應該腳踏實地做生意,而非上網,如今高層好嬲,一定要炒我 我當時反問佢,我做佐兩年,資源甚至不如某人的兩個月的資源,請問請我返黎係咪擺? 當然,高層都係一如既往官腔,我都費事嘈,離開了公司,係等lift的途中,隔離冇人,於是我情不自禁,眼淚流下來 雖然我受到好多挫折,但我真心鍾意one2free同熱愛這份工,比起某些sales日日俾人投訴,我係錄得零投訴 我唔係做唔到野,而係根本冇資源,又要我交數,又唔俾我上網,交條命俾你咩 入得呢行,邊個唔係「三更窮,五更富?」,我老友阿文就係代表,專做傻佬、老人家、道友、古惑仔,有時候預佐個客唔交錢,為保傭金順利出閘,都會幫客人交三個月月費,從中抽取的差額利潤,遠遠高過傭金,所以阿文等人可以大無畏繼續做,因為只會賺,睇賺幾多,個客black list,關人撚事咩[sosad] 所以呢類sales點會唔賺大錢呢?有D人索性放開懷抱喪呃喪氹,一出事就辭職,搵邊個埋單,心照啦,最後公司咪又係推卸責任,事件經常不了了之⋯我見過有個所謂的top sales,有米到揸靚車玩靚女,真係業界傳奇#adore# 做得sales,沒有誰比誰高尚?我唔係高尚,我係Kai:~( 我內心係正義超人,見到sales推個客去死我卻無動於衷,某程度上我咪又係幫兇:-( 只不過我做得幫兇,自己冇油水抽仲要比D既得利益者針對,真係慘:~( 為此我喊過好多次,成個男人老狗,搭巴士都會含住淚,搖搖欲墜,每當想起自己的遭遇,每當想起今日有個婆婆中伏,我內心不是滋味,我相信冇一個sales好似我咁,做佐兩年,平均月薪都係12000為蚊[sosad] 好景月份先幾皮,可能就要頂幾個月,做sales做到我咁,要挨魚柳包漢堡包總之麥記under10蚊0既野,我都試過曬,有時候一個月冇數,得個7000蚊,車費都1000幾:-( 自己唔食都要俾家用,咁我係返工挨餓,放工就訓覺,訓落去唔會feel到餓啊嘛,係啊,做好人,就係咁,人地笑我on9,我一邊打字一半感觸,你地睇文章會唔會一樣覺得我on9? 我自問係有能力,我做one2free都試過多數過D埋沒良心的sales,但有能力加有良心,註定係失敗。冇人會同情我,個客都唔多人搵返我,又俾公司炒撚佐,望住櫃員機內的四位數字,我又要重新上路。 已經幾年冇換眼鏡,冇換手機,冇買衫,我唯一一樣野冇換,就係自己鍾意的人,可惜我鍾意的人,已經有男友,好多次我想追求佢,但一打開個銀包,就自己收自己皮,算吧啦。 任職期間,聽過好多人屌7電訊盈科,咁多間公司大家都可以好來好去,唯獨好多人對pccw怨氣甚大,我曾經問過同事,佢地都話電訊盈科係仆街,具體點仆街,佢地冇乜點講 而我係網上見到pccw請direct sales,我抱住一試無妨的心態,點撚知,做一次,已經令我跌入萬劫不復 點解123 sales可以咁肆無忌憚?_? 係因為123冇QC呢家野,即唔會打返電話去同客人對資料同講解月費內容,所以咪有客人會蒙在鼓裏,以為免預繳出部三星中階機好開心[sosad] 其實去門市出iphone都得喇,個客都唔知個sales從中抽幾多水[sosad] 正正因為冇QC,sales可以有幾咁仆街,可想而知。 做客人世界的sales可以安然無恙,我盡心盡力唔撚埋沒良心,結果俾人「雞」佐,咁又係,呢D係現實社會的寫照,我做過123咪知道,做好人係唔會有好下場。 所以佢地炮轟電訊盈科,我覺得合情合理,可能係因為電訊盈科有QC,d sales唔可以隨心所欲,咪怒屌舊東家,到我入到去,先知道,仆你個街我都中撚曬伏:-( 臨入職前,我已經知道自己要拉住易拉架擺街,拖住一車野四周圍走,我又忽然記起我以前一段歷史,一段我已經近乎忘記歷史。 其實before阿文搵我入123,我係做過SmarT,佢地有條team,專門賣儲值卡。 可能你會問,儲值卡有錢賺?係啊,事實儲值卡係好多人用,老人家、學生同菲傭都係長期支持者,我地做sales月薪係13000-16000,個個月一定到數,因為唔到數,都會自己買曬D卡,再賤價放去深水埗,就算你一個月唔開工,你都穩賺5000-6000,因為放佐D卡,就圍到皮#bye# 你勤力,咪自己賣曬D卡,咪收入多D。 那年我18歲入行,對呢個sales世界充滿好奇,但好奇還好奇,每日要落去街度跑數,又要俾市政炒牌,俾人炒牌又要親自去政府部門交罰款,雖然公司俾返我,但好撚,麻煩[sosad] 如果個日俾市政掃幾次,真係唔使開工。 其實呢份工真係數字遊戲,睇你點做,勤力定懶惰,都有得賺,不過俾公司捉到放卡去深水埗,又係炒得[bouncer] 於是大家都化身大冒險家,每日擔驚受怕,挨到出糧就可以開心一陣#hoho# 我從一張白紙,慢慢撈到成才[sosad] 過程係令我感到辛酸,頭幾個月,落場都冇數,不過新人target有優惠,於是我同財仔借錢,去買卡,既保住份工,又有得賺,都算寫意[sosad] 我第一次同財仔借錢,剩餘的錢買佐部智能手機,同全數俾家用。 咪以為賣儲值卡好easy job,一日賣幾張就易,日日要賣十幾張,真係好難 18歲,我其實都試過埋沒良心,當然出黎行 預佐要還,好快我就俾人炒佐,黎緊我就講下我喺smart 的歲月 人地話十八歲係一個進取的年紀,我唔撚知係咪咁,以為我做waiter溫順到好似羔羊咁,到入佐sales呢行,我開始慢慢變質,至少,我不再是羔羊。 我記得又係朋友介紹,話好舒服,做緊Smar,那時候,smart真係好快,所以我對佢有好印象係事實,如果叫我入職去3hk,我一定唔會去,我本人真係好驚俾人投訴,感覺欠佐人咁[sosad] 入到去SmarT識到個supervisor,感覺佢幾好人,而我就經常被派落去牛頭角街市,當時我唔知咩叫好場,咩叫廢慘,我覺得有人就有機會賣到卡,所以好熱血,爆曬咪不停講,我真係渴望獲得成就感,就好似以為讀書咁,考到高分會由個心度笑出黎,我對成就感已經生疏多年,好希望今次借smartone喚起我對人生的鬥志,就算眼前的人幾咁陌生,就是眼前的人根本當我透明,我都落力做個小丑,笑笑口迎人。 企足一日,咪賣幾張卡喺度食飯,太陽直曬一樣企,汗水整濕了我的制服,但整唔熄我心中的火,冇錯,我係不學無術,低學歷,但我成日覺得一個人努力,就會搵到食,想當年李嘉誠都係穿膠花起家,我都對自己人生有興趣,不求大富大貴,起碼可以準時交家用,老母細妹過得好我就知足 我明明知道,就算賣唔曬卡,都可以放去深水埗,原價48蚊,放去深水埗16蚊,然後再交返48蚊俾公司,條數唔會蝕,但我唔甘心,又硬頸,我覺得自己係有實力賣曬 但事與願違,成日擺牛頭角街市,生意都係差,到月尾,仲差200張(target 300張),於是我同財再仔借錢,一鋪買曬卡 借財仔,真係要借邦名同安信等等。利息都高,點都好過某D財仔,還幾皮,實則借得幾千[sosad] 真係吸血鬼 做smartone,雖然都辛苦,幸好出糧,有跡可尋,可以計算到自己將會得到幾多錢,而且唔會計算錯誤或者拖欠,呢一點比123好,比bccw就好太多。 做儲值卡,可以自制到數,但望住家中日積月累的儲值卡,就黎成座山咁,我覺得我應該放下自尊心,點都要去深水埗走一轉 否則下個月我冇錢喇:-( 當時人工計算方式,唔記得底薪係7000定8000,賣280張卡傭金有5000,賣320張卡傭金有8000 即每一個sales牌面上一定有12000-1600收入,舉例咁講,一張卡就係售價48蚊,sales等於一張卡收40蚊人工,所以放卡去深水埗16蚊(48-16=32蚊),你唔開工都冇問題,如果開少少工,5000到6000冇問題,係講緊一個月開幾日工已經有5000-6000[sosad] 亦正因為咁,冇人唔會唔到數,不過有人擺明搵公司笨,有人選擇埋頭苦幹。 我選擇做埋頭苦幹,但努力,真係有用?人地可以去商場賣卡,我就去牛頭角街市,起跑線永遠唔同,但我冇怨恨上司,我繼續努力,希望有一日上到位。 不過個上司係咪真係好人?唔係,佢自己都呃公司錢,請幾個親信,從來唔使開工,唔使蒲頭,月尾就交數:-( :~( 輕輕鬆鬆又係賺幾千,聽聞佢識旅遊社D人,正價賣俾遊客,發過豬頭[sosad] 上司個上司同上司個上司個上司都知#hoho# 錢,齊齊搵#good# 穩年陣,難為我地喺街打生打死[sosad] 不過講仆街,隔離有個team leader仲仆街,四周圍同同事借錢,借錢俾佢,就可以獲得靚場,唔借,就長期被發配邊疆xx( 好多sales就借俾佢,結果劉備借荊州,有借冇還,個條仆街leader借埋貴利,搞到上公司,成個事情先曝光[sosad] 陰功,有個後生仔借佐十萬蚊俾佢,真係凍過水[sosad] 以權謀私黎講,呢個leader真係賤。 我上司,自編自演自導,搵人返黎賺公司錢,對下屬又係親疏有別,有人就經常去好場,舒服到暈,我就長期邊疆,甚至要上網搵客[sosad] 大佬啊一張儲值卡幾十蚊我都要擺上網,可想而知我幾咁「銷路無路」 我落場,又係做區議員,講解多過賣卡,招呼長者我真有耐心,但好多人混吉,齋吹水唔抹嘴,>><<1口痕就食無比膏喇) 問完唔買唔緊要,問完要我平,冇所謂,大家開心,最仆街係明知我招呼緊客人,有人會插口話貴) [sosad] [sosad] 真係狗撚到) 自問有禮貌,點知都敵不過D市井之徒 記得當初入Sma,連trainning都唔使,第二日就叫我落場,個上司同我講,俾D信心俾自己,落去開單吧[sosad] 我內心潛台詞就係「>><<1,我白紙一張,唔知頭唔知路,何來信心?你估我係神童bill咩」不過冇辦法,拋頭露面第一次,點都要上,我唯有化悲憤為動力,喺牛頭角街市厚著面皮撩人傾計。 一日係咁,日日係咁,根本好多野係摸索返黎,碰得壁多,自然會轉換銷售技巧。 個陣有兩種儲值卡,一種係本地通話$48蚊,特點係夜晚傾電話斗零一分鐘,日頭就一毫子一分鐘,打idd去深圳1蚊幾毫一分鐘,而有一隻卡,就打本地定長途都係0.25一分鐘,smartone當時請我地賣呢D卡,至於賓妹卡係第二個部門負責,而48蚊既卡可以上網,8蚊一個鐘,一日48蚊。 我發覺照住封面或者說明書講,根本係少生意,於是我掙扎佐好耐,好耐,都決定做違背我個人意願的事情。 喺條街耐左,你會見到好多人真係好cheap,行埋黎問野,一係口痕,一係想平,冇法子,以下就我的銷售對話 我:「先生,買幾張?48蚊一張,用先計算,未開有效期有一年」 先生:「打長途點計算」 我:「長傾定少講?,煲電話粥就一定要去登記上台。。 先生:「少。」 我「咁呢隻ok喇」 先生:「點計算?」 我:「5仙,賣十張收你400蚊,又平過5仙」(原價3蚊/分鐘) 先生:「一張幾錢?」 我:「明白曬,48蚊」 先生:「冇得平?」 我:「公司規定真價出售,賣十張係我私人幫你做,一張平唔到,最多送個贈品毛巾比你」 先生:「好」 通常個客投訴我,我就話係一秒5仙,60秒3蚊,不過其實冇乜人投訴,因為個客自己覺得自己冇問清楚,係一秒定一分鐘 遇到精明消費者,又打本地又打長途,點算,我就唔講價錢,總之同我買一張,用指定字頭打出,就有90分鐘idd 曾幾何時,我試過買自己公司的長途卡入比個客人,通常一張80蚊長途客我分比三個客人人,我都係講你預算由30-90分鐘idd打,因為一張卡80蚊,半年內有280分鐘,三個人分咪90分鐘,我為求銷路點都要試下,某程度係我送idd比個客,但個客唔會知道,後來我發覺成本太高,我先將鴨遼街D山水卡綁落客人個電話號碼度,總之冇投訴就繼續。 遇到太多客人,各種問題,我都選擇避重就輕,同一賣就賣幾張,雖然我個心唔舒服,但冇辦法,我唔唔敢做,都賣唔多,不過講到仆街,sell人漫遊就認真賤[sosad] 一分鐘十幾蚊,我同個客講,總之係少傾,買幾張傍身最實際,價錢一律唔講,硬 一分鐘十幾蚊,我同個客講,總之係少傾,買幾張傍身最實際,價錢一律唔講,硬塞比個客:~( 如果個客俾五百蚊或者一千蚊,我都繼續叫佢買,錢就冇得找住先,台上有乜野,你盡情拎[ 我估我全盛時期個陣,一日都十幾張,自覺得到心目中target就會去食野,由於細個好窮,食都冇啖好食,成個人好瘦,到出黎做野,先開始買自己鍾意0既食,如果我同你講,我18歲先第一次食麥記,你地信唔信? 我冇乜娛樂,食係我唯一娛樂,做smartone個期借佐財仔,我唔開心就會食野,所以我變成肥仔,係因為不停食野,彌補我以前未食過的野,點解我唔開心?因為我做野做得唔開心,自覺得低人一等,同上司friend既同事可以日日去商場跑數,又舒服又爆數,我自己日曬雨淋,擔心行開會miss佐個客,所以一日未到數,我都好少行開,印象最記得,係太子站A出口近中銀位置,個度算係好場,經常有買開0既客人會翻兜再買,不過個度出名曬,無遮無掩,有時候夏天真係企到疑似中暑:-( 我都唔敢走開,食飯都喺隔離酒樓買個排骨飯返黎食,企喺度食[sosad] smartone禁止我地坐fuck 儘管如此,我依然頂硬上,落力跑數,個陣時候唯一支撐我的,係我鍾意的女仔,如果冇佢陪我傾下電話,自問已經頂唔蒲,個度經常俾市政掃#ass# [sosad] 落雨又係企喺度食風食雨,生意大受印象,有時候一個月先黎一次,成個月最舒服喺咁,其他位置更加惡劣[sosad] 我試過擺油麻地彌敦道,係路牌下擺檔,唔開得易拉架,我就花心思將四周圍佈置到靚一靚,set好曬所有野,喺人群中爆咪嗌,油麻地人多,生意就一般,如果我唔花心思佈置,分分鐘食白果[sosad] 我喺旺角經常賣長途卡俾北姑,有時候甚至去賓館送貨,佐敦那些賓館我幾乎去曬[sosad] 除佐上網post然後約人交收我連洗樓做埋[sosad] 一張儲值卡我都咁訓身,都係問賓館老闆買唔買卡,我可以擺定卡係度,賣出先計數[sosad] [sosad] 我睇準佢D內地住客一定會買,所以我策略係成功,不過我好辛苦[sosad] ,有D賓館連電梯都冇,又黑又複雜,一個唔覺意發生火警我都死9梗[sosad] 同埋賓館好品流複雜,勁多古惑仔同雞竇[yipes] 我試過送去北姑竇賣卡,個北姑竟然撩我執一劑[sosad] 嚇到我離開後幾個月都心有餘悸 老老實實,我訓身演出,一個月都差30張卡,所以要自己買曬($48x30),之後放去深水埗。 如果我唔係有少少諗頭,我邊賣多咁多?大佬啊我D場真係肉酸到,例如固定舊客pot位冇乜我份。我去親就係油麻地[sosad] 一係牛頭角[sosad] 反觀有人就日日落大場同商場[sosad] 你話喇,我仲唔係低人一等?大家跑一樣數,我資 大家跑一樣數,我資源少咁多,亞太區有一天成為亞太區佢個街火到黎,那一年我年少輕狂,我同上司講,再唔俾合理場我,我就寫信去高層揭發佢請人做假數搵公司笨實[sosad] 最後佢俾我兇一兇,先俾正常野俾我,我日子先講舒服少少[sosad] 不過我清兵入關,心口帶住個勇字,自然得罪佐呢班既得利益者[sosad] 佢地一定好想鏟除我,不過因為我會爆佢地料,所以先未搞我 做smart不得不提個個傻的嗎 CEO 黎大媽) 呢條友簡直係極品,平時大家喺電視睇得多,佢寸到Hi Hi!真人係點?佢呢經常返公司,搭電梯聽到sales講粗口,即炒,冇面俾,平時佢根本唔會正視sales,個種藐視,簡直係令人心up[sosad] 得閒冇事就晨早叫大家去大酒店開會,早餐點心一律冇,接待室一人一杯清水fuck 好向左走向右走野#good# 到開會啦,就聽佢喺台上自high,打向左走向右走曬飛機,自吹自擂自己公司幾咁把炮,講野冇幽默感,悶到Hi Hi,難得佢自得其樂#ng# 我第一次見ceo可以咁傻的嗎) 冇人知道佢平時係咪壓力大到short short 地,嘩,聽佢演講式獨白,真係惡頂過魯芬幫我吹喇叭,真係亞太區有一天成為亞太區佢個街) Seven Head黎0既喂#kill# 做SmarT,過年過節,或者年中年尾,公司唔會請sales食飯,頂盡一封100蚊利是,雖然我嘗試熱愛公司。不過完全無法組織到對公司的歸屬感[sosad] 當sales唔係人,我個人認為,李氏兩大集團一定係,smart緊隨其後#good# one2free好好多係因為澳洲佬揸旗,鬼佬最叻收買人心。 咁話說我挑上司機,話舉報佢,佢即刻嚇到9縮,同我沙冧,話升我做senior[sosad] 嘩,我做佐成年,佢滷味先講返句人話,同比返合理資源我[sosad] 暴雨過後見彩虹?未必,我竟然衰喺某個客人手上,都唔知係意外定報應定有人陰9我 事緣個客叫我平賣俾佢,同寫收據,ok冇問題,點知佢第二日去門市求證,話我平賣俾佢,D卡會唔會係來歷不明) 客人見得多,無理見得多,咁傻的嗎真係第一次見,公司隨即炒佐我,不過我冇傷心,總算係解脫) 我寧願做返waiter都唔使埋沒良心做人 直到遇到阿文,我重返sales行業,到被人炒埋,就開始踏入bccw的陷阱,簡直係本人活了23年最大的恥辱 夜闌人靜,又感觸無限,又想打字出文[sosad] 我夠膽講,我係電訊界首席Seven Head[sosad] 錢又搵唔到,人又唔開心,仲要俾舊公司送贈無情雞,真係唏噓。我18歲入行sales,花佐人生中寶貴的五年青春,結果我要淪落到同老友借錢俾家用:~( :-( 五年時間,有人會選擇繼續讀書或者考個專業牌照方便搵食,有人已經賺到笑,可能籌備緊婚禮添,而我喺呢五年內,除佐學識人情冷暖,就係一無所獲,我甚至預計到自己未來要做茶餐廳先維持到,因為冇學歷,年紀一大就冇人請[sosad] [sosad] [sosad] 唔通我就咁一世?:~( 當我俾one2free炒佐之後,我開始漸漸明白,點解D sales要咁狠,做得sales,學歷擺到明低,唔靠青春打定銀行存摺本的厚度,可能以後冇機會咖啦,所以與其對自己殘忍,不如對客人殘忍,總之夠膽落手,就有大錢賺:-( 電訊界好多Hi Hi野,呢個post只係冰山一角,例如獨居老人想安裝家居電話俾人強制按照貴月費的eyes[sosad] 又或者懵個客人唔裝收費電視就免費電視都冇得睇等等,諸如此類的狗招,早有人將其發揚光大[sosad] 我本人講正義,正義可以當飯食咩?我窮到冇錢交寬頻上網費,唯有同朋友借錢,再見步行步,幸好好似阿文等等朋友,都冇笑9我,得閒約我出黎食飯,佢地搶住埋單,有時候我感覺到溫暖,也忍唔住係飯堂上流淚,朋友紛紛安慰我,鼓勵我:-( 同借錢俾我,我得以起身。 搵工搵啊搵,見到bccw請 direct sales,我感覺到這是我一個機會,我只要喺度發到圍,我就可以有錢俾家用,有錢還比朋友,事實上我四周圍同朋友打聽,了解電訊盈科員工的人工等等,得知佢地會1000蚊收一張英超單,600蚊收一張寬頻單,可見佢地人工都係幾好,再問到一個相熟的在職人士,佢話一張英超單1400左右左右,一張寬頻900蚊左右,具體點計算,冇人知。 嗯,聽落唔錯,個陣係七月,英超八月開波,應該大有前途,最緊要係呢間公司D sales好少懵人,相對地冇咁嚴重,而且有Qc,個客一定知道自己登記佐D咩,於是我聯絡佐該名主管,等到面試過後,佢叫我去人事部再面試,就ok 我本人,將我一生人最大的夢想擺落bccw 度,我覺得屬於我的show time來臨喇,正所謂破釜沈舟,我已經窮到貼地,我要喺bccw揚名立萬,我要靠自己能力賺大錢,嘩,個陣我幾咁雄心勃勃,幾咁想證明自己。 話咁快,就話要training,我興奮難耐!!!我又點會估到,我會俾pccw搞到一鋪清袋呢? 由於今次事件影響本人一生,我會花大量篇幅去講解,呢間公司有幾咁無 話曬係一次機會,我可以等,因bccw請人又係要過幾關,最後挨到見人事部,講明自己冇乜不良嗜好,而又不停讚電科有幾咁好,一輪廢話過後佢就叫你返歸等電話。一個星期後上去簽約,都係個句喇,唔向左走向右走識英文,佢講乜我就信,然後就簽合約,不過sales最關心就係傭金,佢份合約幾十份,提及傭金的字眼就係少之又少,具體咁講,底薪6000,傭金就冇點講,不過有個OTR,即到數後會多幾多錢,具體計算方式我相信大部分人都蒙在鼓裏,即佢派幾多咪幾多,例如冇人可以明確知道一張英超單328蚊x24月,究竟傭金有多少,而佢地高層口中的透明度就係咁,冇人知道一張單,到數同唔到數,在職同離職,究竟有幾多分別,佢地就類似貴利咁,口裏話借1皮俾你,實則上服務費已經收你幾多錢,你最後先知,所以每個sales都係開佐單先,等月尾就知道結果,而計算方式只可以從中摸索,例如問身邊朋友幾多張單除幾多錢,從而推測邊D單值幾多錢,好喇,佢人事部講完所有野,每個sales最關心的傭金計算方式,依然係一頭霧水,唔會有人明確知道,不過bccw同st 123最大分別係,佢地唔會交俾外判公司請人,而係公司直接請人,換句話,我地係直屬bccw。 到簽完合約,過幾日開始上trainning堂,我雖然喺電訊界撈佐幾年,不過都係賣手機plan,而對寬頻係一知半解,唔會熟悉,咁第一次上trainning,撞到其他部門同事,而個導師就係風騷美豔的女導師,叫阿沙梨 講真,佢就好似貴婦咁,高爭鞋加短裙,行起上黎pat pat好似會引起地震咁[sosad] 個種女皇霸氣出曬黎[banghead] 跟喺佢後面,好似貴婦包養小白面咁,上去爆房咁[sosad] 好彩同行五人,否則我都幾驚佢[sosad] 上到去五樓某個房間,阿沙梨開始講解今日行程,原來今次係講法律。 言下之意,即你班sales衰佐野,與公司無關,如果差佬要交人,公司一定會送走該名sales,絕對唔會攬。 聽個阿沙梨講野,就知道佢一定係外國讀書個隻,每句中文都可以夾雜咁多英文腔同英文單詞[sosad] Hi,你對住成班學歷低的人講英文,同對牛彈琴有乜分別[sosad] 隻牛唔會覺得你有咁勁lor[sosad] 到自我介紹,我先知,原來bccw仲有人做洗樓,而最近新增網上fighter,即專門上網搵客的部門:O 乜電訊公司咪話堅決反對sales上網搵客咩?如今又自打嘴巴[sosad] 講到尾,為生意就咪多多限制,到最後咪又係解封) 咁阿沙梨繼續風騷講解,乜向左走向右走野商品說明條例,乜向左走向右走野私隱條例,佢講曬,偏偏勞工法例、傭金計 咁阿沙梨繼續風騷講解,乜向左走向右走野商品說明條例,乜向左走向右走野私隱條例,佢講曬,偏偏勞工法例、傭金計算、投訴機制,佢唔會講,即好簡單,sales最關心的傭金同保障自己的法例,偏偏隻字不提 一句到尾,呢堂濕勁課,係公司同sales劃清界線的重要見證,又佐呢堂課,以後sales做咩事,都同公司無關,即上司push個sales去做衰野,被打靶個個一定係sales,公司冇任何責任 好野#good# 第一日就係咁,嗮我時間,聽個風騷姣婆講足一日 trainning堂就好似打boss咁[sosad] 過完一關又一關[sosad] 試問上完堂有幾多人會記得公司架構?〔sosad] 第一堂就係阿沙梨講法律,第二堂到衛生哥,係啊,衛生啊,英文名個諧音,如果做過pccw你應該估到係邊個,佢斯斯文文,不過講野悶到嘔,上完兩堂發覺電訊盈科請D導師點解可以咁冇幽默感,完全好似照紙度,錄音機都不如,成堂又係將廢話,sales最關心的傭金計算方式,冇人講) 呢間公司有咩唔做得,佢地都冇多講,總之sales奶野,炒Z_Z 當然佢地會強調sales唔可以跌錢,捉到即炒,何謂跌錢?即sales私下現金或者超市禮卷回贈俾個客,而非公司offer內所包的贈品,即屬違規,不過呢D野聽完就算,喺direct sales0既世界,邊可能唔跌錢[sosad] 唔跌錢個個,一定唔係sales[sosad] pccw以前夠話唔做上網銷售,最近咪又係成立網上打手team,根本就係自打嘴巴,今日的我打倒昨日的我,以為iphone都話4.4p3寸mon係最完美,最近咪推出大mon,總結一句,扮向左走向右走曬野就係D marketing的特色,又要做妓女又想扮處女#kill# trainning黎到第三、第四日,導師換成女仔卡莉,望落似大學生,同我地講解now tv有幾多個頻道。然後逐一講,都係個句,一本簡介講曬,上堂似呃飯食,大家都係等收工,交足戲。 到last day,成大班人去官塘訓練局開會,又聽個導師為我地催眠一次公司架構[sosad] 繼續對傭金計算方式隻字不提。 挨佐幾日,終於自由,開始跑數,於是我whatsapp個上司,原來,喺pccw開team ,sales先入職,supervisor後入職,所以我要跟住第二個supervisor東尼哥先[sosad] 新人報導,冇場,東尼叫我去官塘擺,唔係地鐵站出口個個pot位,係佢連地址冇俾我,就叫我去官塘擺[sosad] ,真係亞太區有一天成為亞太區佢個街,佢以為之間係官塘揸人咁,成個官塘你玩曬咩[sosad] 而且市政滿場飛,又冇固定位,叫我自己去摸索[sosad] 所以話寄人籬下,最向左走向右走慘,不如叫我擺屋企樓下好過喇[sosad] [sosad] [sosad] 一黎人生路不熟,冇固定位置,二黎now tv d合約紙堪稱全行最複雜) [sosad] 上網黎講,分公屋、私樓、target h (唐樓) traget m(豪宅),每一個地址要親自打去熱線check覆蓋,唔同地方唔同價錢,而now tv,頻道幾百條,張合約知托喺手,猶如孫子兵法咁,唔向左走向右走知以為做研究生添[sosad] 而寫佐一個位置,內部會扣分,扣足15分即可炒,嚴厲到呢#ng# 簽完仲要打去熱線報單約師傅,再返公司交單,正所謂簽一張單,複雜過計數學方程式,ok fine,我用佐一個星期去自修,期望上司早日入職,我就有場落喇。 點解我咁執著傭金計算方式係點?因為我之前奶過野,以前做smt就一定知道自己會出幾多錢,做123唔同,具體一張單你冇可能知道條數點樣計算,所有野都係sales出糧後聚埋一齊傾計,然後先估每一張大約幾多有幾多回報,不過好多時候,公司有個target線,例如幾多張到數,而可能同人差幾張,因為唔到數而少人五六千蚊,呢類悲劇經常有[sosad] 即你穿州過省去搵個客簽約,再幫客人去放機,到頭來因為唔到數,一張單的傭金會得百幾蚊[sosad] 尤其對於某些長期冇資源的sales黎講,呢類打擊係相當大,就係因為公司冇透明度話俾個sales聽具體點計算嘛[sosad] 而更加狗0既係,某D supervisor為佐自己的營業額,不惜犧牲下屬利益,例如選擇隱瞞今個月target) 打個比喻,一個supervisor有十個「仔」,而今個月target係300張單,即平均每個sales跑30張,於是D supervisor就開始絞盡腦汁陰9個sales,即當佢知道佢自己份糧到數,而sales條數好參差,有人開佐80張單,有人開佐30張單,有人開佐40張單等等,而個人target講緊係50張單,個supervisor就會叫under 50張單的sales放棄今個月,而將D單入去下個月,明明距離今個月仲有一星期,有人距離到數無限接近,就咁因為sales自私自利,而蒙受損失fuck #kill# 個supervisor點解要咁做?因為佢想佢下個月條數靚仔,咪罔顧某些sales利益lor[sosad] 正正因為公司透明,supervisor又古古惑惑,對於sales真係好向左走向右走唔公平,但冇辦法,有人選擇沉默,當食死貓,有人選擇抗爭,結果俾上司發配邊疆。 我就係沉默過,又抗爭過,所以日子唔好過,長期俾人針對。 所以我黎到bccw,都好像求個清楚,求個明白,聽返d師兄講,一張英超單(328x24個月&free6個月)的傭金大約1400蚊,一張寬頻單($168x30個月)的傭金有大約900蚊,於是我開始盡地一煲,喺咁上網搵客 一張英超我送500蚊俾個客人,一張寬頻單我回贈$280安裝費俾個客 不過我開第一張單,簡直係歷盡艱辛,因為隔離team個東尼哥,唔知係咪玩9我,問親佢野佢都俾流料俾我,搞到我喺客人面前要甩甩咳咳[sosad] 例如加條電話線幾多錢東尼哥俾錯曬資料我,簽完合約先出聲,累我又跌多幾舊俾個客[sosad] 算喇,一張單有900蚊子跑,頂硬上,開佐頭跑先 到上司入職後,我以為有好日子過,原來係一9樣冇場,叫我自己去摸索[sosad] Hi,家陣街霸仲多過7-11,可以搵到咩新位置[sosad] 於是我同上司講,我話我專門做上網蠟不如,佢話好 冇場都算喇,講返起第一張單,真係俾電訊盈科棟到一鍋泡,事源個客住元朗村屋,即好向左走向右走複雜個D,打去online check覆蓋要報清楚咩街道幾多號幾多室,因為佢一條村幾十戶,唔係戶戶有覆蓋[sosad] 我已經醒目咖喇,叫個客俾埋租契俾我睇,我打去員工online check覆蓋,佢地話有記錄,可以做,ok,做寬頻,要開單,check覆蓋係最重要,冇覆蓋就算Auntie大減價都做唔向左走向右走到,而我個客係生意人,每日忙到嘔,係唔得閒去門市搞,網上見到我contact,見我老實,先搵我登記,從初步present到約佢出黎,足足搞足一個禮拜,終於約到佢,開心過中馬仔:~( 搞完一大輪龍鳳,個客都冇Hi7我改黎改去,最後搞完個客主動同我握手,我個人認為係對本人工作的最大鼓舞,簽單麻煩,簽完要打去熱線報單約師傅,又搞一個鐘,新人入門,甩漏中生長,我又點估到原來個客個地址原來無法安裝:~( :-( 咩話?有覆蓋都做唔到?_? 我已經安排幾次師傅上門,師傅話電訊盈科冇安裝線喺個度,拉唔到線,要申請地政署幫手xx( 哦,即Hi Hi喇,話有覆蓋又裝唔到,完全唔關樓宇結構同個客事,係公司的問題,而我除佐不停喺whatsapp度同個客解釋同沙冧,我都唔知點算,我做咁耐sales,何曾試過咁而愧對個客呢?問題唔關事,不過我負責同個客deal,我都難辭其咎[sosad] 所以一間公司做得唔好甚至乎係Hi Hi,受罪的點只係顧客?d sales仲向左走向右走慘[sosad] 作為公司最前線的部門,一定俾客人Hi爆,電訊界有兩大經典就係icable同3,做過就知道,身受的壓力同辛酸簡直係古今開來第一等,而pccw就係專門玩殘sales同職員的公司。 在職期間我唔知,冇啦啦搞一大輪甩佐個客,後要重新上路,距離英超開波差幾兩個星期幾,我食緊白果,最火滾佢俾場我落,落親都幾乎有其他同事,原來,我上司叫我去偷場) :-( 呢d真係狗向左走向右走到,博個sales唔喺度就自己擺,喺度照擺,唔見火星撞地球唔撤退[sosad] 我份人,從來唔同人爭,於是我同個上司講,既然冇場,我做上網啦,有生意就去簽單,個上司梗係舉腳贊成 原來,做direct sales係冇乜場落,要我自己去做online fighter,即如果我唔係做開上網,我要日日落去同人打游擊戰,偷人個位,至於有人話自己開發一個新場,其實無異於自挖墳墓,大佬啊你試下叫統計署統計下每一條村有幾多街霸,睇下7-11多D定街霸多D啊?Hi Auntie咪向左走向右走玩啦,sales冇場落就真係慘過六月飛霜 好在我係打不死的小強,以前我喺smarte同123的 好在我係打不死的小強,以前我喺smartone同one2free的經歷,多到可以寫本傳記「如何喺被公司遺忘的情況下依然不屈不饒搵客」,今次pccw對我變本加厲,我唔向左走向右走怕! 其實唔好以為做上網搵客好easy job咁,好似我咁,做得上網,預佐冇曬假期同私人時間,總之有客人whatsapp或者打電話黎,我要儘快覆,因為我驚遲幾分鐘,個客已經搵第二個sales,須知道,網上世界唔係我一人壟斷,我面對幾多潛在競爭者我唔知,俾人明刀明鎗攻擊我都要欣然接受,俾人暗裏算計我都無奈承受,其實我當初應徵direct sales,我點估到我要成為online fighter呢?做得sales今個月唔下個月,只要不斷求變先可以搵到客,我自問係一個熱愛公司、熱愛工作的人,無論公司點對我,我都努力跑數,因為我相信,只要我努力,我會有更好的收獲,我唔鍾意守株待兔,我鍾意主動出擊,無論網上有幾大範圍,你up得出的論壇我都post過offer,你想不到的網站我都post過offer,你認識我就知道,我為佐搵客,可以去到好盡。 我唯一的底線係唔呃人。 我唔似某D人,應承佐個客結果走數,諸如超市禮卷等等之類,我亦唔似某D人,喺網上報價超級抵,約到出黎張合約完全唔同佢之前所講的offer,我更加唔似某D人,氹到個客出黎,再瘋狂言語偽術向客人進攻,你知啦,sales自古口才極佳,約到出黎一定講到你服[sosad] 試過有個sales,專門揸靚車同個客deal合約,個客都唔簽,該名sales就即走,根本上佢天不怕地不怕,約你出黎搞唔掂就走,反正冇損失,係個客特登抽空出黎,嗮佐時間!fuck 我本人,經常whatsapp講清楚月費內容例如回贈等等,我要個客明白我幫佢佐做緊咩合約,清楚先出黎,再白紙黑字寫明,再講解清楚先叫個客人簽名,基本上好多客人都開頭覺得我囉嗦又麻煩,最後咪一樣主動同我握手,因為我夠老實,我相信冇客人會reject,不過可想而知,我為工作花費幾多精力,平均一日20個客喺whatsapp度等我present,等我講解,個客約我,我話之佢將軍澳定東涌,我都撲過去,試過好多次凌晨喺旺角等van仔返大埔,而可能第二朝早上9點鐘又出門去官塘簽約等等,我疲於奔命為佐乜?都係搵食啫:-( 人地唔俾場我,我都唔可以自甘墮落得過且過,我就係拼呢股熱誠,先會多客,之前我做one2free經常係半年冇放假咁,因為只要有客我就會出去簽約,個客搵我我就會覆。 黎到電訊盈科,我一樣係咁博命,得,冇場落,我咪做上網lor,我日以繼夜 夜以繼日,訓身去做 結果生意開始好佐,隔離個個online fighter team就開始攻擊我啦,佢地唔抵得我多客present,於是成個部門走去同我上司個上司「埋檯講數」,HiSeven我呢個direct sales踩界 佢地HiSeven我呢個direct sales踩界做上網,成個部門傾巢而出搞9我,結果我咪收到warning letter,被警告唔好再做網上生意。 pccw online fighter?係一班專門上網搵客的sales,你地上pccw網站應該見到佢地的相同資料,不過我夠膽講,佢地絕對係斯文敗類,Hi Hi含包散fuck 累我收warning letter不得只,仲玩9我 例如扮客約我早上十點去官塘秀茂坪簽約,結果放飛機 例如約我夜晚十一點去東涌簽約,結果放飛機fuck 我Hi Auntie,我住新界啊,係咪玩到咁大啊,Hi Hifuck 我做上網咁耐未試過約個客出黎會放飛機fuck 起電科班online fighter,真係火都黎,佢滷味佢地喺網上瘋狂跌錢,路人皆知,基本上好多direct sales都唔妥佢地,袋份底薪日日坐喺度上網搵客,鬼鬼祟祟跌錢又鬼鬼祟祟走數,即應承佐個客送額外超市禮卷又潛水,難為D direct sales係日曬雨淋,班online fighter舒服到坐係度跌錢,公司講明捉到炒人,問題炒得幾多? 網上個offer同門市一樣,唔跌錢都開到單,你估你係劉華定朝偉咩[sosad] [sosad] 即常理,去門市或者網上自助登記,如果online fighter唔跌錢,邊有人搵佢?奇就奇在佢地可以打橫行[yipes] 而佢地都唔知係邊招聘人入職,我都叫經常上網噶啦,都未見過佢地招聘,令我懷疑呢班入職既打靶係咪上司親友,一齊圍威喂 ? 呢班好樣就係日日網上洗版既sales,公司話只允許pm,唔準post offer出黎搵客,佢地就不停喺facebook洗版,唔理個topic up緊乜,講緊足球又洗版,講緊明星又洗版,講緊遊戲又洗版,令人不厭其煩,呢班所謂斯文專業的sales,其實咪又係烏合之眾,佢地跌錢就可以理直氣壯,猶如隻手遮天,direct sales跌錢即炒#kill# online fighter最叻係洗版同玩9人,事實證明我就俾佢地搞到一鍋泡。 搞我冇得做都算,扮客約我出黎然後放我飛機實在係離譜:-[ :-[ :-[ 如果我當時衝動少少,我幾張儲值卡已經玩殘佢地,但我冇咁做,我寧願搵多幾個客,都唔玩呢D小把戲。 如果你自問係一個懶人又係Hi Hi,不如加入科online team,保證舒服工#yup# 但我係嚴重鄙視佢地起身不正、五十步笑百步fuck fuck fuck 時至今日我都冇約佢地出黎玩9佢地,因為人在做,天在看,睇佢地好得幾耐,累我唔見幾多錢,唔緊要,留定俾佢地以後執藥食。fuck 咁我話唔做網上就唔做?梗係唔係啦,繼續做,偷雞做,試問我唔做,邊有人工,連場都要同人爭[sosad] 真係唏噓,於是我漸漸轉試下pm個客,微信、微博、line等等,總之有途徑我就post offer. 話說我俾bccw班19 online fighter搞鍋甘0既,收到一張warning letter,仲要俾人約出黎簽單放飛機,我已經嬲到爆炸,左手已經揸住幾張儲值卡、幾步手機,打算以其人之道還至其人之身,扮客約佢地出黎簽約再放飛機,不過,我右手迅好快地將左手0既邪念禁低,因為我覺得,冤冤相報何時了,Auntie,你好野,我忍,我之前喺one2free仲忍得少咩,身邊幾多牛鬼蛇神我都唔驚,我會驚班網上fighter? 不過我個陣已經呢個部門係同傻的嗎掛勾,而電科仲向左走向右走傻的嗎,出錢出力養呢班廢材,好多內部員工都知,電訊盈科嚴厲打擊sales跌錢同矇個客奶complain,一旦發現即炒[banghead] 但電訊盈科唔投放多d資源落direct sales team,反而仲搞個online fighter team,係人都知,網上同現實好唔同,如果網上offer同現實一樣,仲有人幫襯?搵網上既仲會冒著一定風險,即有機會資料外洩等等,其實去門市簽約都方便,網上自助登記都唔複雜,又或者熱線都可以做登記,點解要搵個網上素未謀面地的sales? 嘗試代入個客的立場思考咪得知:網上sales會跌錢,即私下再送超市禮卷或者現金等等,所以個客先咁麻煩都要搵網上sales,個客從網上見得sales電話,然後whatsapp,之後慢慢傾,到約出黎,過程通常需要好多時間,個客咁有耐心唔一定係因為個sales好,係因為可以多D優惠,plan就同門市一樣,分別在於網上sales會送多少少野。咁marketing班食慣濕米0既人冇理由唔知道網上sales0既價值,就係跌錢,而公司唔允許跌錢,所以個陣我一度懷疑online fighter team同marketing有利益輸送的關係,否則好難理解佢地點解可以生存到) [sosad] 到底佢地有冇利益輸送的關係,我就唔肯定啦,不過有關sales跌錢方面,我覺得direct sales明顯屬於下風,即direct sales跌錢,即炒,online sales跌錢,未必炒#ng# 於是我覺得marketing應該係online fighter個契媽,所以先有免死金牌,點解我咁講?以下係一條link,係好多pccw sales的pm 內容,而我相信我呢個故事好多sales同marketing睇緊,咁請問以下跌錢的sales炒曬未? 入職冇耐,trainning堂已經上唔少,每逢月尾,就會去美孚開會,而主持大局個個就係roadshow 大佬湯 即佢管理成個direct sales team同online fighter team,好架勢,可謂「一人之上,百人之下。」每個月佢都鍾意對住班同事打飛機,講返佢D英雄事蹟,如何從當年一個無名小卒direct sales,慢慢成為主管,僅僅十年時間已經成為「一國之君」#adore# 不過佢衰傻的嗎 0既係,既然做過sales,就會明白資源嚴重不平衡的問題,難為佢依然要催眠D新丁或者被壓迫的sales,不斷講,只要努力,就有奇蹟,就可以開單[sosad] 一如既往,聽眾都唔係白癡,任台上個個19大佬如何自high,我地都俾住支持,掌聲鼓勵,之後會繼續講大佬湯d 傻的嗎野,呢度講住咁多先。 好啦,我俾人捉到上網,於是要見高層,要解釋,我記得我當時係盡量扮白癡,俾高層知道我係新人,不知者不罪,而我入到辦公室,眼前有個樣貌娟好0既女仔同撈得唔錯0既阿叔坐喺度等我 我以為佢地審犯咁審,點知佢地扮fd咁同我吹水#oh# 真係盲0既都知佢想套料Z_Z 吹完一大輪開始轉入主題 主管:「你知唔知道direct sales唔可以上網post野?」 我:「唔知,training冇講,今次見到兩位先知原來唔得,我唔會再搞上網」 主管:「咁你post上網點解唔同supervisor講?」 我:「supervisor好忙,我都係做生意,唔會食野上廁所都打俾佢」 因為我除了信任佢,我可以問邊個?我上司係一個好人,我信佢唔會陰我,呢十張單係我的心血,我將希望擺曬係度 我離職前後問佐幾次,都聽上司講話人工一樣計算返離職前預期的那樣 相聚離開都有時候,我冇後悔,如果我當初唔做上網我一樣開唔到單,離開公司,我內心好傷心,我真係對公司有感情,佢口中那個童話世界我好嚮往,嚮往出糧後的喜悅 點估到,呢個係長達幾個月的噩夢,如今依然持續 俾人炒唔算最傷心,我最傷心在於我對個個客咁好,點知佢係公司派黎的臥底! 未俾人捉的某一天,我興致勃勃出街,約左個客簽單,我早上九點從新界搭車去官塘秀茅坪,我眼訓到搭車搭過龍,之後搭地鐵去牛頭角搵巴士上秀茅坪,去到個陣仲係10點前,於是我坐係麥記等個客,一如既往,早餐都唔食住,有單搞掂先,等左半小時,又累又餓,個客都唔覆whatsapp同電話,我打佢電話長期嘟嘟聲冇人聽,自覺話我聽,又俾人玩喇,救命啊,凌晨三點仲係度覆各位客人whatsapp,訓幾個鐘,咁早出門,又俾人玩? 距離一點鐘美孚個客仲有幾個鐘,我又累又餓,嬲到食唔落早餐,都唔係第一次俾人玩,係pccw破曬個人記錄俾人玩幾次 好不容易挨到十二點,我去到美孚stand by,等個客,都係中午食飯時間,人多冇位坐,最後個客黎左,我先搵到位 個客斯斯文文,我用心講解每一個細節,之後佢話安裝費可否免,我話我會入俾佢,喺安裝後佢ok 搞左我半小時,搞掂曬,於是我返公司交單,我好累好餓,於是同上司食野,大吐苦水 而距離我下一個客七點鐘青衣仲有小時,我唔想浪費時間,於是又不斷whatsapp每個客人會否得閒簽約,終於有個客叫我去官塘簽約,於是我又飛奔過去 呢個客順攤都冇人有,我一度覺得佢係蛇,去到佢公司先釋除疑慮,原來佢係老闆,完全冇問我拎著數。大家開心一邊傾一邊睇清楚合約 完事後,我又飛去青衣,等個客,個客係斯文人,一睇就知係好人,我耐心講解後,一度忍唔住想落淚,因為見同佢好傾,我同佢大吐苦水,個客真係當我朋友咁對我,我內心好溫暖 係啊,有時候撞到呢類客,我可以得到短暫的放鬆,我依然未食野,但已經唔覺得餓,眼前呢個客,令我好輕鬆講出我的難處 雙方談吐愉快,臨走前,我同佢講左幾句說話 我:「好多謝你當我朋友咁傾訴,安裝費我會入俾你,出糧請你食飯可以嗎?我今天壓抑好耐,好多謝你」 客人:「太可氣,巴打,加油」 我:「如果你係公司放蛇,我輸得心甘命抵,臨別秋波可以認識你」 客人:「哈哈哈哈,我唔係啊」 我:「如果我俾人炒左,你公司請人的話,考慮下我啊」 客人:「一定一定,你咁真誠」 我:「點都好,阿仙奴n年冇冠,終於拎返個足總杯,恭喜曬」 客人「哈哈,講呢D」 事實上,佢真係我最後一個客人,中午美孚個個係放蛇 相信大家都睇過電視劇「創世紀」,陳錦鴻的金句至今為人津津樂道 我覺得個說話套落我度都好岩用: 「我唔係冇努力過,但我點努力都係賺雞碎咁多,仲要俾人炒,你睇下出面d sales,佢地有d只係花少少時間,已經輕鬆到數,點解?因為佢地有靚場,或者同上司friend,但點解我花幾年時間去跑數,結果係一無所有?,點解啊?」 離職後,望住銀行存折內的三位數字,我開始偷偷在夜晚哭泣,我覺得「男人最怕入錯行」,呢句野原來係咁有道理,我只係想安份守己,點知俾人一次又一次傷害。我任職123期間,我係全公司最少資源的sales,我冇放棄,我網上做到生意,落場放水俾其他sales開單,我唔係傻,我只係想大家做朋友,我得閒更加會請人飲野食野,我覺得呢個係朋友行為,我對個個同事好似我哥哥姐姐,因為我係全公司年紀最細,我好努力去關心大家,有人冇數我會鼓勵佢,有人做上網我甚至同佢分享心得,例如擺邊個論壇,我做咁多野,唔係收買人心,係想大家開心,當我係朋友 一次,兩次,三次,四次⋯每一次我俾人篤背脊,我內心都好受傷,我唔明點解要咁對我,而且總有人製造是非攻擊我,我有數個陣佢地話我寸,我冇數,佢地話我懶/廢 自問唔係eq高,如果eq高我寫唔出呢篇真情流露的文章,但我選擇忍,有時候明知個sales係篤我背脊,我都笑笑口扮冇野,我做咁多野,無非係想和諧,而且我眼見又一個老人家/傻佬俾sales氹到簽單,我都冇出手阻止,反而我放走客人,卻俾佢地鬧餐食,話我嗮機會,唉,如今我回憶起,我都幾鄙視自己,點解可以同呢班人相處咁耐。 人在做,天在看,唔係唔報,時辰未到。 但我今次俾bccw炒,認真傷心到谷底,以致我一度無法做野,我真的內傷了。 最後我同老友借錢。然後俾家用俾家人,自己就去圖書館靜靜睇數,為自己療傷 之後搵埋工,嘗試忘掉錯對,結果挨左唔知幾多人麵包甚至空肚,老電出個份糧,簡直係對我肆意的侮辱 我一唔開心就會去圖書館睇書,別人唔開心會去蒲去wet去搵條女happy,我唔開心,我就不停睇書,例如睇下d名人傳記,睇下書中可否俾到我人生啓示,睇書多好,係可以俾到我平靜,而且唔使俾錢,活左二十幾年,拖住條女的感覺我未試過,好多野我都未試過,總之要消費先有的娛樂,我都極少參與,我最大樂趣係睇睇書,寫野,踢波,有關娛樂方面,我最奢侈的一次就係俾錢去book足球場,除此以外,我我好少使錢,因為我有錢個妹可以食好d,就算睇急診可以睇私家醫生,我媽咪又可以少d OT 電訊盈科,佢永遠唔會明白,佢係摧毀緊我呢個後生仔的夢想,一心想入職後揚名立萬賺幾雞,結果落得如此下場⋯ 當我出糧個陣,我嚇到腦袋空白,好似隔離爆左粒原子彈咁,我本人震驚到唔使反應 咩話?扣除底薪後,佣金得2900? 10張單,其中四張英超單$328x24monthfree6,同上網單(起碼都$168x30個月),說好的2萬呢(如果好似上司所講出2萬幾,扣除底薪6000,起碼有14000喇) 2900?我跌都跌左4000,冇走數,個客冇投訴,冇欠費,冇black list Auntie出2900俾我?我咁我咪白做?於是待我冷靜後,馬上問舊上司,發生咩事,咁佢一如既往含糊回答,話幫我睇睇 等啊等,等到佢答覆,我當堂想爆粗 舊上司:「sorry 離職後,d單唔會有「六折優惠」,所以你係唔到數」 我:「嘩,我離職前後問過好多次,你話有20000幾我先去馬,而且離職後有三個客未安裝,如果一張單佣金得290,我一定叫客人取消喇,有冇搞錯 舊上司:「sorry,真係冇「六折優惠」不過2900係少,幫你睇過應該有7000幾,而且你有張單係九月安裝,所以係冇佣金 我:「我全部單八月安裝,最遲8月31個客早上已經同我講安裝成功,何來九月單?」 我:「我打去人事部喇,唔阻你」 d講句,我脆弱少少都走左去跳樓,做得公屋仔,見證唔少人自殺,前幾日先有個後生仔係隔離跳樓,嚇到我落街都兜路行。 但我就算死,我都唔可以好似竇娥冤咁死,我要為自己拎返個公道,我就算死,我都會選擇器官賣返去大陸,起碼賺個幾百萬,我媽咪同個妹生活可以無憂。 出糧出得個2900,每當我返工回家,我都好想攬住媽咪同細妹大哭一場,係我冇用,我愧對屋企人,我呢幾年忙於工作,好少關心家人,個妹任性左,成績差左,媽咪又到更年期,諸多唔舒服同心情差,但佢依然要工作同湊女,壓力好大。但我何嘗不是壓力大?家用點算?過得下個月,下下個月又如何?長貧難顧,老友幫得幾多? 個段時間,係我人生最難熬的其中一段時間,好多次壓力大到想跳樓,跳樓或者可以引起傳媒關注,睇到我遺書可以幫我追討工資,但我冇咁做,於是我努力工作,搵到錢安穩先,再追討 打去人事部,講左好多野,佢地話會調查 隔了幾天,又有人打黎 人事部:「xxx,幫你睇過,你出糧2900,合理」 我:「咁都合理?你地係tranining冇講佣金計算方式,入職後冇講,所有野我係聽同事同上司講,上司係我離職後都話有2000幾人工」 人事部:「你地點溝通,我唔清楚,不如叫你主管打俾你,明天一齊傾」 我:「好!」 而明天的電話對話,將係成個經歷的最高潮 before同高層、直接對話之前,我已經做左好多資料蒐集,例如開個account去論壇問offer,等sales pm我,大部份都跌錢,咁我就唔明喇,點解佢地可以咁猖狂就唔使俾人炒,而我就俾人炒?係咪online team有免死金牌?例如我幾個月前已經嘗試係高 登 post曬佢地跌錢的post,結果佢地好快又繼續pm人,絲毫不受影響,以下係最近其一個sales的 pm內容: 我十月九日已經公開佢對話,marketing冇理由睇唔到,圖中有曬佢聯絡方式同跌錢內容,公司放蛇捉佢一定炒得 估唔到時隔19日後,該名sales依然風騷搵客 呢個sales違反公司規定但冇俾人炒0既例子只屬於冰山一角,大把人逍遙自在繼續跌錢,於是我先懷疑佢地係咪同marketing有利益輸送的關係,以致marketing選擇性執法,想當日小弟喺高登開post,一個星期已經俾人放蛇三次,結果俾人炒埋,而個d online sales就可以繼續風流快活做爛個市,如今100幾蚊的英超plan都要跌錢,真係犀利。 如果睇緊文章的朋友唔信,可以喺各地論壇出post問offer,一定好多人pm你,你大可cap圖擺上高登或者呢度,班marketing一定睇到,係唔炒啊,吹咩。 所以我懷疑佢地有利益輸送關係,係有根有據,而佢地一邊睇我post一邊嬲到爆炸,我想講,呢個世界有天理,邊個害人多,邊個收受利益背後變節,遲早有報應。 於是我打算將呢單野同高層講。 至於個個road show team leader 大佬湯,之前我提及過,佢係鍾意對住人打飛機,講自己如何從sales挨到做主管,成日扮曬野分享心得,以為自己好型,其實咪又係d既得利益者,扮乜野。 所謂既得利益者,明明自己著數多多,淨係識得挖苦人 就好似晉惠帝咁,見到各地鬧飢荒,百姓冇野識,呢個皇帝話「何不是食吃肉糜?」(點解唔食肉粥?),其白癡言論堪稱經典,而電訊界的既得利益者,同呢個晉惠帝口吻一樣。 佢自己有靚場,人地就廢場,偏偏佢話人:「頂,有場就有數喇,勤力d,唔好放棄,堅持就會開單。」 佢自己贈品多,人地冇乜贈品,偏偏佢話人:「有冇贈品都冇所謂,係叻仔一定開到單。」 佢自己有數,人地冇乜數,偏偏佢話人:「你唔識搵客咩?你唔識chur客咩?你有冇攞個心出黎做野?」 而大佬湯就係呢種傻佬,自己催眠埋自己,果然係勁抽,同佢傾完電話,我更加覺得佢似梁振英,嘩佢真係成部錄音機咁,講d野連小學生都不如,試問佢都曾經係toptop sales?咁屎都可以入口喇,仲好好營養添 人事部話打俾我,於是我做向左走向右走足功課去質問佢地,就好似議員質問政府咁,我點向左走向右走知佢地官腔過政府,例如問佢普選佢地話會跟足基本法做事,問佢地加生果金,佢地當聽唔到,問佢地加建公屋,佢地敷衍回答,總之廢話多到可以做廢人,真係Hi Hi含包散,有冇搞向左走向右走錯?fuck 我估唔到大佬湯親自同我對話,不過我對佢極度反感。 人事部:「hi ,xxx,如今方便傾?」 我:「ok」 人事部:「咁駁條線等大佬湯,um亞仁入黎,大佬湯話想親自同你講解。」 我「ok」 於是一次電話對話,喺四個人之間展開 我內心準備好,就住佣金計算方式,出糧,跌錢,利益輸送四大議題質問佢地 大佬湯、亞仁、人事部陽小姐:「hi,xxx,之前聽你打上人事部,甚至去工會,我地今次打黎解答你問題。」 我:「請問我係咪簽左4張英超單、6張寬頻同一張家居電話單?全部complete 安裝係咪?」 大佬湯:「係。」 我:「請問我有冇俾人投訴,或者個客根本冇交月費?」 亞仁:「根據記錄,你全部單正常,冇投訴。 」 我:「咁點解我佣金得2900蚊?我離職前後,多次追問上司,都話到數了,都話有「六折優惠」,連底薪有2萬幾,你地理應出14000左右佣金俾我,點解得2900?十張單平均一張單290蚊,你地有冇搞錯啊?」 我:「我多次強調,你地炒我,我冇所謂,但我最care佣金,我真係等住救命,呢幾個月因為佣金問題已經困擾我好耐,以我認知,一張英超單1400蚊左右,一張寬頻900蚊左右,1400x4=5600,900x6=5400, 5600+5400=11000,就算冇14000'都有11000喇,如今得2900,咩事啊?一早已經覺得你地有問題,入職從來冇清晰同sales講解,每一張單有幾錢,到數同唔到數。離職同唔離職,相差幾多等等,你地冇講過。如今出糧陰我?」 大佬湯:「其實我地佣金計算方式,一直都好透明,你簽約第一日已經有講,合約上有寫。」 我:「透明?你有本事聽日call齊sales開大會,即場叫佢地寫出佣金計算方式,就算唔係識曬,都起碼知道掛?做sales都唔清楚佣金計算方式,即係公司問題,唔透明喇,你夠唔唔夠膽明天即場測試sales認知?另外你話簽約個陣,佢地根本冇仔細談及佣金計算方式,只係話底薪6000,如果到數有額外otr ,即額外bonus,湯,你係咪make sure 合約有寫?」 大佬湯:「其實合約野,你我都未必識曬,但我地陣真係好透明」 我:「咁明天即可考sales,睇有幾多人知,如果sales都唔知,得班高層知道佣金計算方式,咁都叫透明,請問你地有冇搞錯?你係睜開眼睛講大話,定你所謂的透明,只有高層知,sales個個蒙在鼓裏?」 大佬湯:「⋯」 我:「你今次打黎唔係當我係小學雞掛,咁都說服到我,呢個世界個個都係談判專家喇,佣金透明化你都講得出,唔怪得你做到leader喇,言語偽術咁叻,但我係有理智的人,點會咁易俾你地蒙蔽到?」 電話中我一句粗口都冇,但內心已經問候緊大佬湯祖宗十八代 我:「我離職前,仲有三個客未安裝,我再三問上司,佣金點計算,佢會一樣係「六折優惠」,即佣金14000左右,於是我先冇叫個客cancel,你地炒我係因為我跌錢俾個客,大佬我一張單跌400-500蚊,如果我知道佣金得2900,我會唔會跌啊?你地誤導我再陰濕我,到炒我都唔老實說話,令未安裝的客人繼續安裝,你地有冇搞錯?我對公司忠心耿耿,盡心盡力,ok你炒我,我冇所謂,但每一張單係我心血,我寧願唔食飯都跌錢俾個客,因為我想開多d單,你地竟然咁對我?你炒我之後,我陸續有客人搵我登記,我都冇再present或是「射單」俾人,因為我已經唔係pxxx人,我絕對唔會冒充sales,點知等了幾個月,你出2900蚊俾我?」 大佬湯:「你的記錄係離職,不是被解僱,以後可以返黎做。」 我:「奶過一次野仲唔夠?仲想我中伏?話俾你聽,以後你求我都唔會返去,難為你地大公司,竟然蝦我一個小職員。」 人事部陽小姐:「其實地今次打黎,都同上面反映過,覺得你的情景值得幫手,於是申請左3000俾你」 我:「離職前後,上司同我講有14000左右,到我出糧後我不惜一切去搵你地,上司同我講離職後冇「六折優惠」,即係未到數,70%營業額,應該係7000幾佣金,我個陣都想食死貓當自己黑仔,點知你地話2900係合理我先搵工會,如今俾3000係施捨我?塞住我把口?」 大佬湯:「xxxx,其實我之前唔人認識你,今次係我主動要求打俾你,我覺得你係一個好好的員工,有熱誠,不過違反公司規定就要走,真係抱歉,我保唔到,我地打黎係想幫你⋯」 我:「幫我?我咪講左你地冇同sales認真講解佣金計算方式造成咁多問題,我一定唔係第一個亦不是最後一個被你地壓低人工,離左職業唔係人?點解玩我?」 大佬湯個Hi Hi咪繼續講廢話,講到好似錄音機咁,我打斷唔到佢#bye# Z_Z 一味講公司要求乜乜乜 我:「跌錢你應該知道咩喇,請問有邊個sales唔跌錢?有冇人可以拍住心口冇啊?我跌錢,俾人一個星期捉三次,online team 跌錢,就視若無睹,請問係咪大細超?係咪利益輸送? 我:「我每一次開單,都問上司到數未,有幾多錢,佢都話一張千幾蚊左右,十張已經到數佣金14000,到我離職佢都係咁講,直到出糧2900蚊,我問佢,佢話離職冇「六折優惠」而且有一張單改喺九月生效,不過都有7000幾蚊,好喇,今次你地打黎話2900蚊係合理,請問你地有幾多個版本去演繹?個個都唔同說話,咁我俾上司呃,咪又係因為你地佣金計算方式唔透明lor,如佢呃我,佢都要受到懲罰喇,我今次唔單只為我自己,都係為左以後唔好再有人奶野,口頭承諾唔算數?舉個例子,商品說明條例,唔通口講呃人唔方法?其實我地sales可以講係賣青春、賣服務俾公司,公司出糧俾我地都算係買豬仔喇,何解口頭承諾唔算數?你班人誤導我,搞到我有損失,咁都冇問題?」 我:「最谷氣係你話俾多3000我,好似係施捨我,你地堅持話2900蚊冇計算錯誤,補多3000蚊好似為左塞住我把口,點解本身係我應得0既野,你地可以講到係施捨咁款,你地嚴重侮辱緊我」 大佬湯:「唔係咁0既意思,公司都覺得你好有熱誠,對於你對人工的不滿我地都覺得應該幫幫你,所以呢個3000蚊係咪可以縮窄到你預期中的人工?我地都係希望你可以忘記不愉快,我地係幫緊你,亦都好多謝你的貢獻⋯」 呢個大佬湯次次講野就好似機關槍上曬子彈咁bi li ba la,而且我無法打斷佢說話,唔知以為係播緊錄音帶 我:「其實你地點解咁大方?如果你地覺得勝卷在握,你地當初大可以出290蚊俾我喇,一張單29蚊你地都可以話成係合理喔,而且如今何必豪多3000蚊比我?你地覺得我係第一日加入你地公司我已經係任人魚肉,你地何必打俾我?好喇,佣金計算方式,我再同你地傾,你地都重複倒帶噶喇,有關跌錢,盲0既都知online team 瘋狂跌錢,街霸都會跌,點解我俾人放蛇,而佢地冇事?相當日你地mon住高登引我中伏,但時隔多日,我將online team sales pm內容公開,佢地就唔使炒?我話俾你地聽如果我有機會一定去icac投訴佢地係咪存在利益輸送的關係!」 人事部陽小姐:「咁個3000蚊不如入俾你,係咪同你之前提及的7000蚊有所接近?」 我:「我唔知呢個3000係咩性質,如果你地承認係佣金計算錯誤而補俾我,我會考慮收下之後再去勞工處,如果你地係呢3000蚊係塞住我把口,對唔住,呢3000蚊我一定唔收,如果你地靜雞雞入俾我我就告你地賄賂我」 我:「我重申,我以後唔會入pccw旗下所有部門,既然你地今次打黎咁官腔,又話調查清楚,咁我覺得冇必要同你地傾落去,因為你地浪費左我電話內的一粒鐘,你地摧毀左一個年青人的夢想。」 人事部陽小姐:「咁請問你係咪唔接受3000蚊?」 我:「係」 人事部:「不如我地約個時間出黎,面對面講解佣金方式,連同大佬湯,亞仁一齊傾,我地都想消除你疑慮」 我:「電話度都咁官腔,出到黎有分別?我唔得閒,係咁先,你地有冇野補充,冇就收線」 人事部陽小姐、大佬湯、亞仁:「冇」 我:「bye」 事實上,我同unit manager 亞仁係見過幾次,不過次次見面係因為處理被放蛇後的解釋,我根本冇時間問佢野,而電話中佢都冇乜講野,明明同我比較熟悉,但近乎一言不發,猶如傍觀者。 話說我今年五月俾one2free解僱,到七月入職,期間我冇野做,個個月都俾成皮野俾媽咪,細妹補習費貴到嘔,我俾咁多係唔想媽咪咁大壓力,所以我係靠老友借錢先維持到,一心想入pccw搵幾皮野,還錢之餘又可以俾家用,而我d錢多數跌左俾個客人,我近一個月多數係與麵包做朋友,我身型係肥,可想而知我對食物的慾望有幾大,但我忍,我知道我出糧,我就可以食麥記喇,我就可以食吉野家,最重要仲可以買部電腦俾細妹,我唔係貪婪的人,我只想要我應得0既!!! 俾人解僱已經好唔開心,大佬啊我咁努力,直到如今都keep住有客人搵我,炒我,累我唔見幾多錢?你炒我都唔俾我應得0既野,請問係咪逼死我?我真係山窮水盡喇!你出2900俾我,我返新工又係挨餓,同事問我點解唔食午餐,我話我不嬲唔食午餐:-( 一日兩餐 其實我係早上在家食多d,出街真係頂唔順,買兩個菠蘿包,然後加礦泉水夾硬塞飽個肚,夜晚唔食野 出2900蚊子,我搭車都成問題,家用點算?而我處於崩潰狀態,一度想死。 「預告,之後會講解我的家庭背景同我回憶以前sales行業更詳盡黑暗野」 自從俾pccw解僱後,呢幾個月我都處於低潮,好多次想死,但,死,我屋企人仲要幫我做白事,令我媽咪傷心又要俾錢,我絕對唔可以咁自私,前幾日隔離先有個後生仔跳樓,我估既令屋企人傷心又令其他街坊造成影響。 最近有單新聞講有個青年「兩把菜刀鬧革命」,衝上有線大樓望cut 約,全城轟動,咁如果我留定遺書,call埋蘋果動走去pccw辦公室追討薪金,然後自殺,咁傳媒朋友係咪可以幫到我追討pccw至少幾百萬?係咪有人可以幫我照顧我家人?咁我就功成身退了。之但係,我又驚我死左,又無法追討到巨額賠償,咁我屋企人點算?唔通拎綜援咩?於是我見網上好多post話請人,話咩幾日賺幾十萬,佢講明唔犯法,即唔係走粉、殺人喇,我估係假結婚同賣器官。 咦,賣器官好似穩陣過上去辦公室自殺喔,最起碼我肯定幫到人,肯定有幾百萬,咁我屋企人衣食無憂,喔走得安樂,無怨無悔。 於是經常瀏覽呢類post,睇網上人點講,期間我又兼顧返工,所有未有whatsapp佢地,知道知道我媽咪要做手術,我真係瞬間被凍結,已經唔識反應,但工照返,猶如行屍走肉。 我媽咪係肚痛,內地話1皮野即開刀做手術,但內地醫生點敢信?於是我帶媽咪去睇醫生,個醫生愛理不理咁,話轉介去威爾斯醫院,好啦,等佢幾個星期冇回覆,有次夜晚,我帶媽咪飛的去睇急診,個醫生0既態度又係令人憤怒。 其實我媽咪痛楚唔算嚴重,但去到急診就梗要扮喇,點知個醫生寸爆fuck 醫生:「上次咪叫左你等lor」 媽咪:「我宜家好痛」 醫生:「開藥俾你啦,繼續等,冇乜事咪黎急診」 我:「醫生,我媽咪好痛,可否做手術」 醫生:「都話冇事,食d藥,排期去威爾斯醫院睇」 我「⋯」 我忍住唔爆佢,費事又延長去威爾斯醫院的時間,結果佢安排媽咪下個月去檢查。 媽咪唔舒服,我已經好難受,冇錢睇私家醫生,又要俾醫生鬧,銀包得返500蚊,喺回程的的士上,我擰轉面,鬼鬼祟祟地留下男兒淚,深怕母親發現。 之後我好掙扎,到底whatsapp唔whatsapp 網上話幾日賺幾十萬的post? 最後我都係放棄,成個懦夫咁,講就偉大,做就淆底 事實上我有死的念頭,係因為我覺得我自己有cancer。 我自幼生活喺離婚家庭,我3歲個陣老豆叫雞回仲要帶返屋企搞野,媽咪發現後傷心欲絕,差d走起跳火車軌,冷靜過後,媽咪選擇離婚兼離開屋企,而我就交左俾姑媽湊,我喺香港讀左一年小學,就俾人送往深圳,跟我爺爺嬤嬤生活,而我媽咪一個人在外辛苦工作,不忘為我送上生活費,每次我發燒,佢都飛返大陸睇我,而我老豆就係典型Hi Hi一個,就差未殺人放火。我爺爺嬤嬤對我甚為嚴厲,我扭計就打向左走向右走Seven我,我肚餓就叫我飲水,我沖涼叫我用凍水,冬天都係咁@_@ 不過佢地0既法西斯教育收到奇效,我喺學校成績甚佳,但我好窮,一個星期都未必有餐肉食,成日望住同學仔的漢堡包流口水,而且我每年都儲錢,例如過年過節收紅包,為0既就係交學費。 我三年級已經開始賺錢,例如幫同學作文、寫功課,例如考試俾答案俾人炒,例如放學在街邊流連,個期流行乜動漫卡,細路會喺度玩,我負責低收高賣,總之任何可以賺錢的玩意,我都去玩,無本生利。 到四年級,我情信都幫人寫埋,為左賺多幾蚊,俾老師捉到鬧餐懵,沒收我酬勞 屋企錢箱,偶爾俾個Hi Hi老豆爆開:~( 個期流行online game,我開始去網吧,幫人升level,大陸d網吧複雜過disco,入面古惑仔、吸毒、搞野都有,我為左賺錢,隔離有人針筒吸毒我都當睇唔到,繼續打機。 有錢,零食我都唔會買,擺曬錢箱度,我當時唔知道讀書係咪熱血,但我有得返學,好開心。 五年級,媽咪嫁左俾個俾個男人,而且喺大陸供樓,開始接我回家,一個屋企,除了媽咪同繼父,仲有細妹同有精神病的婆婆 我已經開始有好日子過,又點估到,我會俾個精神病人玩殘:-( 當時婆婆好憎我,覺得我係掃把星,所以喺媽咪面前扮對我好,背後就陰濕我@_@ 例如晚上訓覺嚇我,平時是但住幾條菜俾我當一餐,佢同細妹出街食 母親與繼父經常喺香港,我喺內地就好似係孤軍作戰,去應付一個精神病人,佢盡情刻薄我,鬧我,精神摧殘我,自己有濕特登傳染俾我,令我飽受困擾,個幾年我冇一晚訓得好食得好,於是我經常逗留係學校屋唔返屋企 我靠自己賺得錢,勉強每日買到一碗白飯同齋麵,由於食堂有辣椒遊大量供應 所以我食左幾年辣椒油溝飯溝麵,個陣我瘦到成個馬餾咁 十八歲,讀唔成書,回到香港,開始做廚房佬,眼前的美食令我壓抑左咁多年對食物的慾望瞬間爆發,所以我開始暴飲暴食,我驚有一日突然瓜老襯,未食過好野咪好唔抵?幾歹都食盡佢,有得食好食,好似我呢d賤命一條,挨過了貧窮和饑餓,如今終於自己搵食,終於見到希望。 冇人會明白我,點解爆肥,而食野,成為我少有的樂趣,有得替波、睇書、寫文章,我已經覺得滿足,但屋企越黎越多問題,令我覺得扛起頭家。 繼父多年待我如親生仔,本身一家幾口過得安穩,但表面的平靜最終被打破,繼父疑似頂受不了壓力,開始賭錢,仲借貴利,一頭家就係咁散左,繼父搬左出去,債,大家慢慢還。 見到大耳窿打我繼父,我卻無能為力,個種痛,伴隨我一生,上天開恩先賜予一個慈父俾我,點解咁快又搶走佢:~( 每當我想起繼父,眼淚就會不聽話地流下。 家中留下我媽咪,細妹,和同母異夫的細細妹,於是我把對繼父的感情,全部轉移到我細細妹度,我可以唔過得差,我細妹一定要過得好! 於是我工作都好博命,離開飲食界,我又開始同麵包做朋友 而且辣椒再次成為我在家的調味料,因為辣椒,可以令白飯好味d,就算食唔落,擺到自己好餓好餓個陣,一樣會食 近幾個月,我去廁所,糞便都有血,有時好多,有時少少,令我懷疑我患上大腸癌 弱視+濕疹+大腸癌?請問仲有咩挑戰等緊我? 唔記得媽咪幾時學識飲醉,佢次次飲醉,都胡言亂語,我都唔知佢口中的「生無可戀」,係心聲定亂up,至少我聽呢一句,個心痛到好似俾人灌滿辣椒油咁,辣到我好難透氣。琴晚媽咪又飲醉,佢成兩年冇飲到企唔穩,今次佢又醉到貼地,一個人跌倒在地板,嚇到我死。媽咪的淚水就好似開左水龍頭咁捧出,已經唔係流出,係多到噴出,我望住母親的憔悴面容,我都忍唔住喊左,佢盡量回避佢0既注視,我唔想佢見到個仔喊,我係呢頭家唯一的男人,我唔可以俾佢見到我喊!!! 母親一生被三個男人負了感情,母親22歲生我,一路走來,佢將青春奉獻曬俾我地三兄妹,如今都仲要返工湊女,壓力好大,成身都痛,而且等緊醫院進一步檢查,有可能要做手術,母親此時此刻,已經好似細佬咁,冇曬克制和理智,盡情哭泣,話自己冇人生,話自己已經死左。 無論我點安慰佢,佢眼淚都停唔到,不斷喊,其實我都好想同媽咪講: 「如果我有癌症,要離開你,你可否堅強活下去,照顧自己照顧細妹。」 母親繼續哭訴自己冇曬人生,夢想,要死,佢都係講如果佢走左,問我可否好好照顧細妹 呢個晚上何其漫長,安撫了母,我打左去電台節目「新香蕉俱樂部」 本身我冇聽過該節目,有網友睇左我文章,建議我打上去,或者幫到我 結果主持人牽住我走,甚至覺得我係廢青[sosad] 根本無法令我表達心聲,而我個刻,亂到腦交戰,母親又開始哭泣。 主持人同我講理想?我都唔知仲有幾多命仔,講咩理想[sosad] 收線後,我又坐在母親身邊,聆聽佢說話,幫佢抹走擋不住的眼淚,我腦海中浮現我細個發燒,母親總是在我身邊陪我 難為我仲經常鬧佢飲酒,我何曾關心過佢?只懂得把鈔票送上,而忽略她的感受。 母親話我曾經係佢生存下去的動力,我於是佢講,細妹都係佢如今生存下去的動力,不要放棄。 待到凌晨三點,母親終於訓左,而我都走進廁所,痛哭一場。 以我入行差不多五年時間,我總結出sales界狗招36計,每一計都充滿心計,係典型負面教材,如果你自問有少少良知,切勿為左眼前幾張銀票,而留下人生污點。 如果金字塔式排名,最毒個五計一定係:偷龍轉鳳、拋鑽引玉、金蟬脫殼、順手牽羊、以退為進 其次仲有好多計,有d可以混合使用:圍魏救趙,隔岸觀火、笑裏藏刀、瞞天過海、無中生有,暗渡陳倉、反客為主等等 首先就介紹下偷龍轉鳳。 123係我做得最耐0既公司,喺呢度,我見盡無數人性醜惡,有人真係可以為左幾十蚊佣金而推個客去挨貴月費,無良指數爆燈,比起呃呃氹氹,偷龍轉鳳先係最高級的招數,唔係個個人拿捏得好。 做o123,我只曾見過一個天才,佢叫K lam,佢係坐喺度個客會自動導航撞埋佢度0既奇才,話之其他sales幾落力,都冇辦法阻擋客人心甘情願俾佢「做世界」,我有幸聽過K lam0既present,簡直係好過去書局買本「銷售攻略」,可惜,一個天才的隕落,往往係自取滅亡,某一年,佢因為衰強姦罪入冊,於是我再無機會跟佢學野。而Road show0既世界,再冇天才,庸才只有勤力勤力再加勤力,先可以將客人的血汗錢拎黎交貴月費,先可以為所欲為地掠水。 而我本人點解俾佢地針對,完全歸咎於我0既為人。我係個d阿婆走黎登記,我都會慢慢講解的人,例如個阿婆走黎話想登記一個$680既通話plan,我會問佢係咪想上網?如果唔上網,係咪傾好多分鐘?問完一大輪,了解左佢需求,我會問佢點解唔登記人仔台30幾蚊,平好多,喺通話質素方面係差唔多喔。原則上我係幫公司「倒米」,但我份人就係會問到篤,我唔想佢後悔,我唔想佢交貴,正如個婆婆咁,一個月都冇幾多個電話,又唔打長途又唔上網,點解要用one2free $68蚊 plan唔用人仔台$3x幾蚊plan?如果呢種case落人其他sales手中拿拿臨已經登記左喇,仲講咁多做托咩。 所以我同佢地格格不入,我俾佢地針對係有跡可尋。而個期公司有個政策,即用滿123服務滿6個月(未出機),即可以免預繳免信用卡。例如月費升級到$4xx可以出iphone或者note系列等等手機,而呢個整車,令到好多客人可以唔使用信用卡都出到機 而sales的偷龍轉鳳,正正是順應呢個政策而衍生的計謀。油水亦是從中抽取。 狗招36計第一式:偷龍轉鳳 有人話,點會偷龍轉鳳,個客傻咖咩?係0既,不過你正常唔代表人地都正常,你精明唔代表人地都精明,「一樣米養百種人,家家有本難念的經」,有人係等錢開飯唔理乜Sevenblack list,有人係因為貪念而沖昏頭腦,有人係本身患有精神病以致糊裏糊塗,有人係七老八十唔知登記左乜,實話實說喇,做得sales,大多係擁有鷹一般的眼睛、狐狸一般的狡猾、狼一般的野心、老虎一般的進取,我以為都唔向左走向右走信人係萬物之靈,但入到黎sales的世界,先發覺自己唔係小學生,而係幼稚園學生,你會見到sales之間弱肉強食的生態環境,亦會見到sales與客人之間的爾虞我詐,個客懵勁9sales的例子也有,但sales KO 客人的例子實在太多,而sales好識得睇人,睇準黎食,如果眼前個個係王維基,你估sales有冇可能得逞?所以sales與生俱來的本領就包含睇人、分析人,見到d「心水獵物」蒲頭,sales自然會出手。 之前講過,123冇乜「QC」,即假設個客幫街霸登記左,唔會有專人打俾個客人對資料同提醒登記左咩plan,正正因為呢個漏洞, one 2free,sales的世界,無奇不有,而公司的政策,大部份現有客戶用滿6個月左右,即可免預繳免信用卡以某一個月費出機,係喇,冇「QC」又可以免預繳出機。sales們肯定把握機會瘋狂賺錢。 偷龍轉鳳,係建立於個客唔知可以免預繳出機,一見到road show可以做,自然心動,而未必個個鍾意用iPhone,有人鍾意三星,有人鍾意Sony,有人鍾意HTC等等,所以sales就可以做個客「世界」 例如一部iPhone 5xxx,先達回收價5088左右,而一部sony可能係4000幾,sales就會同客人講,月費$400幾蚊x24個月包部sony機,制唔制?正常個客都會心動,大佬唔使信用卡唔使預繳,「長命月費咪長命還」,而個sales就可以以員工價、客人優惠價甚至出去買水/行機,同個客出iphone plan,然後換部機比人,差額多數自己落袋,平均一張單袋1000-3000左右,似乎個客有幾Kai,差額就可以有幾大,如何一張單佣金都係500左右或者樓下,咁偷龍轉鳳自然賺到笑,當個客自覺得抵個陣,試問又點會投訴?如果我今次冇出文講,我估好多人都唔知,我見過好多人賺到銀包脹,擺落褲袋,旁人遙遠一望,以為佢似大髀生腫瘤,一個月撞十個呢類客,發達喇,稅都額唔使交,打個白鴿轉又幾千蚊,掠水能力好似索羅斯[bouncer] 總之個客合約上未必會見到iPhone字眼,佢以為自己有著數,其實咪又係輸俾個sales。 而有一種客,根本就唔會交費,同sales合作,更加更加顯得天衣無縫添#adore# 所以希望每一個消費者,得閒打去熱線問清楚月費內容,咪俾人抽水啊 班online fighter就繼續針對我,成個部門mon住我,得閒就扮客whatsapp我,甚至約我出黎放我飛機) 而我上司入職後,我D場都係冇乜,日日叫我落去偷場[sosad] 真係唏噓[sosad] 我以前做direct sales衰極都有一個位置係屬於自己,估唔到電訊盈科咁大一個集團,竟然book多幾個商場都懶[sosad] 淨係識叫sales交數,有冇認真考慮過sales的資源分配?我的遭遇也是很多人的遭遇,俾d既得利益者搶曬資源[sosad] 自己就默默食穀種fuck 而我做佐成幾個星期,都冇人同我講佣金計算方式,次次我要問主管,佢先含糊up到個數字,係含糊,但我本人抱住信任公司的前提下,先咁努力搵客,果然成功需苦幹,經歷一個星期的食白果,黎緊一個星期我開始爆數,之前搵我傾過whatsapp的客人相繼搵我登記,而我亦衡量過自己的佣金,所以我都識do,平均一個客人我就私下回贈500蚊,我同個客講,我佣金大概係幾多,我唔介意同客人share份佣金,最緊要大家happy,而某些客人甚至欣賞我,話唔使我俾0既都有,無論如何,做得上網,唔跌錢都幾難開單,因為個客落門市同搵我做,其實冇太多分別,所以我先會送多少少,跌錢,基本上個個sales都會,分別在於會唔會俾公司放蛇捉到。 我做咁多年網上生意,我從來冇拖欠過一個客人,我講得出,絕不走數,黎到電訊盈科,我就算未出糧,我都俾佐錢比個客先,總之應承得一定俾,呢個係我做人宗旨,雖然我學歷低,但我明白做生意要講真誠同誠信,所以我對客人係真心,有人會好欣賞我,有人會嘲笑我傻仔,點講都好,我只係做好自己本份。 我得閒要搵客,搵完要present,再約時間,再赴約,每一張單都記載我的汗水,由於我真係冇乜錢,俾佐個客,我咪唯有食麵包當午餐同晚餐,有時候撞到朋友,朋友都清楚我係一個好刻薄自己的人,所以都會請我食飯,其實呢份情誼經常令我哭泣在心中,我有時覺得自己都幾苛刻,點解人做sales我做sales,我會做到咁寒酸:~( 。幸好,個天都幫我,之前的客相繼搵返我 我一心等出糧,每一日都問我自己的單成功安裝未,係每一日,直到我簽佐四張英超單同六張寬頻單加一張家居電話單,我問supervisor會出幾多人工,佢話2萬幾 我聽完覺得好幸福,我的努力冇白費:~( 出糧後我可以俾一萬蚊俾媽咪做家用,可以買部電腦俾細妹,我自己都可以換部電話(我自己個部用了三年),我可以換個眼鏡(舊眼鏡用了四年,好舊,鏡片都花花地) 我跌錢俾個客都累積到幾千蚊喇,收返2皮幾都好合理,而且先月中,,我個勢頭係劍指4萬#kill# 我點會估到我又出事了 怪係marketing就好似睇唔到online team洗版偷跌錢,而我就成為別人追擊的target. 我見工,係做direct sales,入到去先知冇資源,仲要我去偷場?次次俾其他人插到飛起又冇數,我唔上網,點返數?你估好似傳聞去墳場拎幾個身分證開單咩?定係我家族多人,一人裝一個上網線開單?搞清楚,我係走投無路先上網搵生意,我點會估到其他人光明正大洗版加跌錢冇事,我就奶曬野,定係online team識人多好辦事所以可自己友圍威喂,我點知咩,你估我係FBI咩? 佣金計算方式繼續唔透明,場又要偷,網上俾人捉,咁我點算?為自己,我根本唔會做sales,我得閒去做倉務,私人時間寫下文章睇下書唔好?但我有屋企人需要我照顧,我個妹讀緊小學,我一定要供佢讀書,我唔想佢好似我咁因為窮因為家庭因素而讀唔成書,仲有我媽咪,將一生人最寶貴的青春奉獻俾我地三兄妹,到如今40幾都要返辛苦工,我唔想咁,我想我媽咪輕鬆d,至少唔識擔心錢,所以每個月我都俾好多家用,占我人工若7-8成,我份人未必係孝順,只係覺得人對我好,我對你更好,更何況我媽咪對我咁好,我點可以咁自私?我出黎做野,但至今電影院冇去過,演唱會冇去過,南丫島都未去過,更加咪話出國旅遊,我人生好多野都係因為我冇錢,唔捨得使錢而做唔到,我後生,所以我覺得冇所謂,我自己寧願挨麵包都要好好錫住我屋企人。 入老電,我係真心想博命,如果唔係有人同我講開單大概有幾多錢,好似我呢類孤寒人士,點會跌錢俾個客?我又冇走數過,所以為了生意,我甘願自己麵包都唔食,一日一個早餐定全日,我都要跌俾個客。 結果我一個星期。簽12張單,有2個係公司放蛇,捉我跌錢 斷正,我可以點?我認,就算俾人炒,我都好強調自己的人工到底有幾多 寬頻同收費電視,係個客人成功安裝後,sales先有佣金 我每一簽一張單,我都問上司我出幾多錢,而佢同我講,4張英超單,6張寬頻上網,到曬數,起碼出2萬幾(連底薪6000) 呢度補充少少,老電入職頭三個月,新人有五折,六折,八折優惠 咩意思?即假設公司target係十張單,新人跑5、6、8已經到數 而我個個月係身處「六折優惠」,我十張單,上司同我講到數了,如果全部安裝成功,認真既,十張單,我total跌佐4000蚊俾個客,我本人係想跑更多數,個陣係月中而已⋯點知我比人炒佐 臨走前,我有三張上網單未安裝,我問上司,我人工係咪一樣有2萬幾?佢話係,所以我冇叫客人cancel,我信任上司,係因為我除了信任佢,我可以問邊個
0 評論
發表回覆。 |
|