【時薪45元冇人做】提高最低工資 賺錢食肆逼結業 (Minimum Wage) .....!

【太陽報】最低工資於本月一日提高至時薪三十二元五角，實施以來，低技術勞動市場「搶人潮」進一步惡化，飲食業更是重災區，近期不少食肆因人手不足，以縮短營業時間、周末休息等消極招數應付。有受影響食肆老闆表示，因人手不夠，星期日及公眾假期等旺場日子都要休息。老闆日做十多小時「頂唔順」，打算將餐廳頂手；亦有點心店開業半年，至今未能在晚市請到足夠人手，惟有放棄晚市的黃金時段，每日下午五時便「收爐」。

飲食業人手短缺，令不少食肆老闆相當困擾。位於灣仔的「老巴剎廚房」，聘有十多名員工，但當中只有兩名廚房工為長工，其餘人手都是兼職，餐廳老闆鍾師傅無奈表示，「其實仲有兩個長工嘅，咪就係我同太太囉。」餐廳欠缺長工，令經營難以維持，家庭主婦是兼職員工主力，「佢哋好多都講究假期，人工反而係其次，一到假期就話要湊仔，又要陪屋企人。」不少兼職員工每到假日都要求放假，就算原本要上班的，亦會臨時「甩底」，更有人會突然辭職，「試過做一日，甚至半日就話走。」

自今年開始，星期日及公眾假期這些極為旺場的日子，其餐廳都會關門休息，每日損失數萬元。鍾師傅坦言肉痛都無辦法，因人手不足會直接影響質素，寧願休息「賺少啲」。今年農曆新年假期，餐廳便連休八天，「唔係我想放咁長，原本講咗初五開爐，點知去到嗰日，好多人甩底唔返工，餐廳得番幾個人手，根本開唔到。」

點心店黃金時段焗收爐

餐廳以時薪四十五元請兼職樓面，而長工初入職的月薪達一萬二千元，但仍請不夠人手。鍾師傅跟太太每日工作十四小時，自己窩在廚房不停炒菜，太太則負責收銀及樓面。長期站立令兩人雙腿出現靜脈曲張，又擔心餐廳出品質素，身心受壓，令鍾師傅計劃結束餐廳，準備將餐廳頂讓，「我都好心痛，餐廳開咗四年，係自己心血，我哋唔係無生意，生意好好，但真係無人手做。」

「吓！有無搞錯，咁早閂？」西環一間僅開業半年的周記點心店，近月於網上受追捧，食客特意來幫襯，卻想不到點心店會在下午五點收工。「唔好意思，人手真係唔夠！」該店老闆劉先生直言，開業前計劃營業時間為上午八時至晚上八時，但由於不少應徵人士都是家庭主婦，拒絕「開夜」，在不夠人手的情況下，要將營業時間改為上午六時至下午五時，放棄晚市之餘，每逢星期一亦要全店休息。

最低工資下招聘更困難

劉表示，隨着最低工資提高，請人愈見困難。除了在店舖貼出招聘廣告，劉又於勞工處網頁招聘，但始終乏人問津。舖位月租六萬元，點心店棄做晚市令收入減少，劉與拍檔對此亦十分無奈。

神廚館負責人黃小姐表示，自最低工資實施後，感覺應徵者較散漫，「好似唔係好志在份工，有啲嚟見工，一開始就同我講，佢唔識字，唔識落單！咁你話請唔請？」餐廳現時仍欠兩至三名人手，只好一家人一腳踢撐住餐廳，黃小姐一人身兼多職，樓面、收銀，加上廚房、水吧等等。雖然人手短缺，但黃小姐對餐廳員工有要求，「有啲人無乜責任心，做嘢混亂，真係唔請好過請，影響舖頭聲譽仲麻煩！」